Шляхі ў горад знаходзяцца пад поўным кантролем дронаў.
Генеральны штаб УСУ паведаміў, што ў Пакроўску Данецкай вобласці цяпер дзве сотні расійскіх вайскоўцаў.
«Аб сітуацыі на подступах да горада Пакроўск і непасрэдна ў яго межах. Праціўнік, шляхам выкарыстання міжпазіцыйнай прасторы і прасочвання малых пяхотных груп, назапасіў у горадзе каля 200 вайскоўцаў.
У населеным пункце працягваюцца стралковыя баі, актыўна працуюць падраздзяленні БПЛА. Баявыя сутыкненні адрозніваюцца высокай дынамікай і інтэнсіўнасцю», — гаворыцца ў паведамленні Генштаба.
Расейцы нарошчваюць выкарыстанне бранятэхнікі ў штурмавых дзеяннях, дадаў Генштаб.
Раней «Украінская праўда» пісала, што ў Пакроўску знаходзіцца не менш за 250 расійскіх салдат. Яны вядуць стралковыя баі і расстрэльваюць украінскіх вайскоўцаў на пазіцыях, у прыватнасці аператараў дронаў.
Шляхі ў горад знаходзяцца пад поўным кантролем дронаў, украінскія вайскоўцы ідуць да пазіцыі па 10‑15 кіламетраў пешшу.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС23
Каментары