У Белавежскай пушчы знайшлі незвычайны грыб — ён свеціцца ў цемры, прычым зялёным святлом
У Белавежскай пушчы знайшлі рэдкі грыб — феалепіёту залацістую.
«Гэты незвычайны грыб бачылі вельмі нешматлікія, і цяпер у вас ёсць унікальная магчымасць палюбавацца ім ужывую», — пішуць у тэлеграм-канале нацпарка.
Знаходку можна ўбачыць побач з уваходам у Музей прыроды.
А вось для тых, хто не можа сарвацца ў лес проста цяпер, запісалі кароткае відэа з незвычайнымі грыбамі.
Дарэчы, распавядаюць, што яны могуць дасягаць вельмі буйных памераў. Акрамя памеру ў грыба ёсць яшчэ адна асаблівасць — біялюмінісцэнцыя.
Так што калі ў цемры пасвяціць на феалепіёту залацістую ліхтарыкам, то можна заўважыць зялёнае свячэнне.
Што тычыцца ядомасці, то лепш не рызыкаваць. Па апошніх даследаванняў, незвычайны грыб змяшчае сляды сінільнай кіслаты, якія цалкам не ліквідуе нават тэрмічная апрацоўка.
Каментары