У Расіі забіты падпалкоўнік АМАПа, датычны да ваенных злачынстваў на Кіеўшчыне
Украінцы забілі падпалкоўніка расійскага АМАПа Веніяміна Мазжэрына, датычнага, паводле ГУР, да катаванняў у Бучы. Яго аўтамабіль падпільнавалі і дыстанцыйна ўзарвалі.

Галоўнае ўпраўленне разведкі (ГУР) Міністэрства абароны Украіны паведаміла пра ліквідацыю расійскага вайскоўца, датычнага да ваенных злачынстваў.
25 кастрычніка 2025 года ў Кемераўскай вобласці РФ выбухнуў аўтамабіль, за рулём якога знаходзіўся Веніямін Мазжэрын, 1980 года нараджэння.
Мазжэрын быў падпалкоўнікам і праходзіў службу ў спецпадраздзяленні АМАП «Абярэг» упраўлення Расгвардыі.
Паводле даных ГУР, падраздзяленне «Абярэг» з'яўляецца адным з датычных да ваенных злачынстваў на Кіеўшчыне, учыненых у лютым-сакавіку 2022 года падчас поўнамаштабнага ўварвання ва Украіну.
Каментары