Колькасць палітвязняў рэзка скарацілася — амаль на 100 чалавек. За кошт чаго?
За апошнія тыдні на сайце «Вясны» рэзка зменшылася колькасць палітвязняў — з 922 да 839 чалавек, пры гэтым пра масавыя вызваленні не чуваць. Праваабаронца «Вясны» патлумачыла «Нашай Ніве», што здарылася.
Па стане на пачатак красавіка агульная колькасць палітвязняў складала 922 чалавекі.
20 красавіка да спісу дадалі яшчэ 9 чалавек, але колькасць цяпер істотна меншая, чым два тыдні таму — у ім 839 чалавек. Куды дзеліся амаль 100 палітвязняў?
Праваабаронца «Вясны» патлумачыла «Нашай Ніве», што ў цэнтры вырашылі правесці праверку спіса:
«Мы сабралі звесткі ў тым ліку ад былых вязняў пра тых, хто ўжо вызваліўся. І адпаведна, змянілі такім людзям статус на «былы палітвязень». Таксама правяралі, хто дакладна мусіў быць вызвалены пасля сканчэння тэрміну, і таксама прыбіралі гэтых людзей са спісу палітвязняў».
Пры гэтым неўзабаве «Вясна» плануе даць статус палітвязняў новым беларусам, пра пераслед якіх стала зараз вядома.
«Наша Нiва» — бастыён беларушчыны
ПАДТРЫМАЦЬВызваленыя палітвязні недалічыліся грошай ад «Байсола» — у фондзе патлумачылі, як падзялілі сабранае на зборы
«Першы час на волі мяне вельмі здзіўлялі сабакі». Акіхіра Гаеўскі-Ханада пра адаптацыю пасля зняволення
Кучынскі — Кавалеўскаму: Адмаўляць заслугу Ціханоўскай, што пытанне палітвязняў у міжнародным парадку дня — ігнараваць відавочнае
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары
Мусяць лічаць, што рэжым гэтае іхняе дасягненне адобрыць.