Свет1414

Трамп упэўнены, што Украіна хутка страціць Данбас. Але іншым трывожыцца няма чаго

Прэзідэнт ЗША Дональд Трамп 21 лістапада даў інтэрв'ю радыёстанцыі Fox News, дзе зрабіў некалькі заяваў, датычных мірнай прапановы ЗША з 28 пунктаў, пра поўны змест якой стала вядома ўчора.

Дональд Трамп. Фота: AP Photo/Alex Brandon

Прэзідэнт ЗША заявіў, што Украіна, на яго думку, хутка страціць тэрыторыю Данбаса. «Яны страцяць яе ў найбліжэйшы час, так», — сказаў ён, падтрымаўшы тэзіс вядоўцы аб непазбежнасці тэрытарыяльных саступак з боку Украіны.

У той жа час ён лічыць, што, напрыклад, краінам Балтыі не варта турбавацца, бо расіяне, на яго думку, «не шукаюць новых войнаў», а «ўкраінскі канфлікт будзе вырашаны».

Каментуючы 28 пунктаў плану, пра якія раней пісалі СМІ, Трамп адзначыў, што ЗША «цікавіць толькі адно — каб забойствы спыніліся».

На думку Трампа, наступны чацвер, 27 лістапада, — гэта прыдатны тэрмін для Кіева, каб прыняць падтрыманую ЗША мірную прапанову.

«У мяне было шмат тэрмінаў, але калі ўсё ідзе добра, тэрміны звычайна падаўжаюцца. Але чацвер — гэта тое, што мы лічым прыдатным часам», — сказаў Трамп.

Ён падкрэсліў таксама, што пакуль не мае намеру адмяняць санкцыі супраць расійскай нафты. Больш таго — прэзідэнт ЗША паведаміў пра планы ўвесці ў найбліжэйшы час новыя, «вельмі магутныя» абмежаванні супраць Масквы.

Упраўленне па кантролі за замежнымі актывамі Мінфіну ЗША 23 кастрычніка занесла расійскія кампаніі «Лукойл» і «Раснафта» ў санкцыйны спіс і выдала ліцэнзію на згортванне дзейнасці тэрмінам да 21 лістапада.

Каментары14

  • Вельмі магутныя абмежаванні
    21.11.2025
    Настолькі магутныя што пуцін пойдзе на мір, так? Калі Украіна у хуткім часе не страціць Данбас, ты пойдзеш са сваёй пасады клоун😂
  • Фельдмаршал Гіндэнбург мае моцнае здароўе
    21.11.2025
    Трамп са сваімі скрэпнымі тарыфамі абдзелаўся, што і тарыфы адмяняюць, і нават лічбы інфляцыі за кастрычнік засакрэцілі.

    Вось цяпер кідае косць у эфір, ну ці лайно на вентылятар.

    Мо, праз тыдзень фондавы рынак пачне расці, і ўсе забудуць, што ён зноў набалбатаў, міратворац.
  • Блазан
    21.11.2025
    Не трэба сур'ёзна слухаць усё, што ён гаворыць. Гэта, як з Лукашэнка і Пуціным, суцэльнае глупства і хлусня

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць