Прэзідэнт Расіі Уладзімір Пуцін на нарадзе з пастаяннымі членамі сваёй Рады бяспекі паведаміў, што Расія атрымала тэкст прапанаванага ЗША мірнага пагаднення з Украінай з 28 пунктаў.
Гэты дакумент падрыхтавалі кіраўнік Расійскага фонду прамых інвестыцый Кірыл Дзмітрыеў і спецпасланнік прэзідэнта ЗША Стыў Уіткаф. Пуцін адзначыў, што план нагадвае прапановы, якія абмяркоўваліся на ягонай сустрэчы з Дональдам Трампам на Алясцы, калі Трамп нават быў гатовы пакінуць сустрэчу, пачуўшы пазіцыю Расіі.
Пуцін заявіў, што гэты план мог бы стаць асновай для канчатковага ўрэгулявання, але, паводле яго слоў, з Расіяй яго прадметна не абмяркоўваюць, бо ЗША ніяк не могуць атрымаць згоду Украіны. «Украіна супраць», — адзначыў расійскі кіраўнік.
Таксама Пуцін падкрэсліў, што Расію задавальняе хада вайны, бо «яна вядзе да дасягнення мэтаў ваенным шляхам». Ён заявіў, што расійскія войскі яшчэ 4 лістапада нібыта «цалкам занялі Купянск».
Пуцін папярэдзіў, што калі Кіеў не хоча абмяркоўваць прапановы Трампа, то павінен разумець: тое, што адбылося пад Купянскам, можа паўтарыцца і на іншых ключавых участках фронту.
Пра нібыта захоп расійскімі войскамі горада Купянска ў Харкаўскай вобласці ўчора Пуціну далажыў начальнік расійскага Генеральнага штаба Валерый Герасімаў. Але іншых пацвярджэнняў гэтага няма: нават расійскія ваенныя блогеры і прапагандысты адкрыта крытыкуюць камандаванне арміі за недакладныя рапарты.
Стала вядома, якія гарантыі збіраюцца даць ЗША Украіне ў выпадку прыняцця мірнага плану
У мірным плане ЗША заўважылі падазроныя русізмы ў тэксце
Лідары ЕС і Зяленскі назвалі адпраўны пункт для перамоў аб міры
Зяленскі і Трамп абмяркуюць мірны план на наступным тыдні
ЗША патрабуюць ад Украіны пагадзіцца на мірны план Уіткафа-Дзмітрыева да 27 лістапада
28 пунктаў «мірнага плана» ЗША — поўны спіс
Цяпер чытаюць
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках19
Каментары