На новых станцыях метро ў Мінску ўжо пасыпалася фарба. У сеціве іранізуюць пра «Год якасці»
Праз год пасля адкрыцця са сцен новых станцый трэцяй лініі Мінскага метрапалітэна пасыпалася фарба. Гэта выклікала хвалю іранічных каментарыяў у сацыяльных сетках.
Пра абшарпаныя сцены на станцыі «Аэрадромная» напісаў у акаўнт minsk_your у Тhreads.
«На ст. м. Аэрадромная пасыпалася фарба. Паводле інфармацыі метрапалітэна, мінулай ноччу зачысцілі сцяну. Фарба там асаблівая — ужо замоўленая. Праз некалькі дзён пытанне будзе закрытае», — напісаў аўтар.
У каментарах дадалі, што тое самае — на станцыі «Слуцкі гасцінец».
«Год якасці», «Элітны раён», — жартуюць у каментарах.
«Яе ж нядаўна адкрылі? Ужо рамонт патрэбны».
«Дрэнная аўра «Мінск Свету»!))»
«Усё, што трэба здаць да чарговага свята, потым перарабляюць і дарабляюць».
«Стыль «Хай так», — з’едліва пішуць каментатары.
Тры новыя станцыі трэцяй лініі Мінскага метрапалітэна — «Аэрадромная», «Немаршанскі сад» і «Слуцкі гасцінец» — былі адкрытыя год таму — 30 снежня.
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары