Na novych stancyjach mietro ŭ Minsku ŭžo pasypałasia farba. U siecivie iranizujuć pra «Hod jakaści»
Praz hod paśla adkryćcia sa ścien novych stancyj treciaj linii Minskaha mietrapalitena pasypałasia farba. Heta vyklikała chvalu iraničnych kamientaryjaŭ u sacyjalnych sietkach.
Pra abšarpanyja ścieny na stancyi «Aeradromnaja» napisaŭ u akaŭnt minsk_your u Threads.
«Na st. m. Aeradromnaja pasypałasia farba. Pavodle infarmacyi mietrapalitena, minułaj nočču začyścili ścianu. Farba tam asablivaja — užo zamoŭlenaja. Praź niekalki dzion pytańnie budzie zakrytaje», — napisaŭ aŭtar.
U kamientarach dadali, što toje samaje — na stancyi «Słucki haściniec».
«Hod jakaści», «Elitny rajon», — žartujuć u kamientarach.
«Jaje ž niadaŭna adkryli? Užo ramont patrebny».
«Drennaja aŭra «Minsk Śvietu»!))»
«Usio, što treba zdać da čarhovaha śviata, potym pierarablajuć i darablajuć».
«Styl «Chaj tak», — źjedliva pišuć kamientatary.
Try novyja stancyi treciaj linii Minskaha mietrapalitena — «Aeradromnaja», «Niemaršanski sad» i «Słucki haściniec» — byli adkrytyja hod tamu — 30 śniežnia.
-
Biełaruski recydyvist, jaki nidzie nie pracavaŭ, akramia kałonij, pajšoŭ vajavać za Rasiju. Ciapier u pałonie
-
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku
-
Dzie na hetych vychodnych u Minsku pracujuć sielskahaspadarčyja kirmašy
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku24
Kamientary