Паводле інфармацыі выдання The Atlantic, атрыманай ад амерыканскіх і ўкраінскіх чыноўнікаў, адміністрацыя Дональда Трампа фактычна дазволіла Украіне наносіць удары па «ценявым флоце» Расіі — танкерах, якія перавозяць расійскую нафту ў абыход санкцый.
Калі пры Джо Байдэне Вашынгтон асцерагаўся эскалацыі і выступаў супраць удараў па расійскай нафтавай лагістыцы ў міжнародных водах, то пры Трампе падыход змяніўся. Паведамляецца, што новы прэзідэнт не толькі не пярэчыў такім атакам, але часам нават ухваляў перадачу разведданых Украіне для паражэння аб’ектаў расійскай энергетычнай інфраструктуры.
На фоне ціску ЗША на Кіеў з патрабаваннем паскорыць мірныя перамовы Украіна за апошнія тыдні падарвала пяць танкераў «ценявога флоту». Адказнасць за гэта ўзяла на сябе Служба бяспекі Украіны. У Маскве гэтыя інцыдэнты назвалі «пірацтвам» і прыгразілі ўдарамі ў адказ па суднах, якія перавозяць украінскія грузы. Гэтае супрацьстаянне ўжо выклікала рост цэнаў на страхаванне суднаў.
The Atlantic таксама адзначае, што, нягледзячы на публічныя заявы аб жаданні «мірнага вырашэння канфлікту», Трамп падтрымлівае крокі, якія б’юць па расійскай нафтавай галіне. У кастрычніку яго адміністрацыя ўвяла санкцыі супраць «Раснафты» і «Лукойла», што ўскладніла расійскі экспарт і знізіла цэны на расійскую нафту.
Пры гэтым у ЗША прызнаюць, што такія дзеянні нясуць рызыкі для сусветнага рынку, але разглядаюць іх як важны рычаг ціску на Уладзіміра Пуціна. Вашынгтон спадзяецца, што падрыў нафтавай лагістыкі прымусіць Маскву больш актыўна шукаць шляхі да перамоваў.
Былы міністр інфраструктуры Украіны Аляксандр Кубракоў, які раней выступаў супраць удараў па цывільных суднах, цяпер лічыць такі ўзровень эскалацыі апраўданым, калі ён сапраўды здольны падштурхнуць Пуціна да дыялогу.
Украінскія марскія дроны падбілі ў Чорным моры чарговы танкер расійскага «ценявога флоту» ВІДЭА
Танкер «Кайрас», атакаваны дронамі УСУ, сеў на мель ля ўзбярэжжа Балгарыі
У Чорным моры гараць ужо два танкеры з расійскага ценявога флоту
Каля берагоў Турцыі загарэўся танкер ценявога флоту Расіі
Кожны шосты нафтавы танкер у свеце належыць да расійскага «ценявога флоту»
Лукашэнка знайшоў незвычайныя словы для спачування Хаменеі: «вераломная атака»27
Каментары