Свет11

У ЗША ўхваляюць удары па «ценявым флоце» Расіі

Паводле інфармацыі выдання The Atlantic, атрыманай ад амерыканскіх і ўкраінскіх чыноўнікаў, адміністрацыя Дональда Трампа фактычна дазволіла Украіне наносіць удары па «ценявым флоце» Расіі — танкерах, якія перавозяць расійскую нафту ў абыход санкцый.

Адзін з танкераў расійскага «ценявога флоту», які загарэўся ў Чорным моры. Скрыншот з відэа

Калі пры Джо Байдэне Вашынгтон асцерагаўся эскалацыі і выступаў супраць удараў па расійскай нафтавай лагістыцы ў міжнародных водах, то пры Трампе падыход змяніўся. Паведамляецца, што новы прэзідэнт не толькі не пярэчыў такім атакам, але часам нават ухваляў перадачу разведданых Украіне для паражэння аб’ектаў расійскай энергетычнай інфраструктуры.

На фоне ціску ЗША на Кіеў з патрабаваннем паскорыць мірныя перамовы Украіна за апошнія тыдні падарвала пяць танкераў «ценявога флоту». Адказнасць за гэта ўзяла на сябе Служба бяспекі Украіны. У Маскве гэтыя інцыдэнты назвалі «пірацтвам» і прыгразілі ўдарамі ў адказ па суднах, якія перавозяць украінскія грузы. Гэтае супрацьстаянне ўжо выклікала рост цэнаў на страхаванне суднаў.

The Atlantic таксама адзначае, што, нягледзячы на публічныя заявы аб жаданні «мірнага вырашэння канфлікту», Трамп падтрымлівае крокі, якія б’юць па расійскай нафтавай галіне. У кастрычніку яго адміністрацыя ўвяла санкцыі супраць «Раснафты» і «Лукойла», што ўскладніла расійскі экспарт і знізіла цэны на расійскую нафту.

Пры гэтым у ЗША прызнаюць, што такія дзеянні нясуць рызыкі для сусветнага рынку, але разглядаюць іх як важны рычаг ціску на Уладзіміра Пуціна. Вашынгтон спадзяецца, што падрыў нафтавай лагістыкі прымусіць Маскву больш актыўна шукаць шляхі да перамоваў.

Былы міністр інфраструктуры Украіны Аляксандр Кубракоў, які раней выступаў супраць удараў па цывільных суднах, цяпер лічыць такі ўзровень эскалацыі апраўданым, калі ён сапраўды здольны падштурхнуць Пуціна да дыялогу.

Каментары1

  • хітранька
    12.12.2025
    Якое супадзенне, што ў такой навіне слова Трамп не трапіла ў загаловак, хаця ў іншых артыкулах амаль у кожным.

Цяпер чытаюць

Крымскі мост зруйнаваны ўдарам ракет «Фламінга»

Усе навіны →
Усе навіны

Як Джэнсэн Хуанг адкрыў Кітаю абводную дарогу да ўдзелу ў ШІ-гонцы5

У Гродне раварыст насмерць збіў пенсіянера2

З’явіліся спадарожнікавыя здымкі пашкоджанняў Крымскага моста пасля ўкраінскай атакі5

Аляксандр Ярашук: Мяне бессэнсоўна ламаць — я не здраджу сваім прынцыпам і каштоўнасцям2

Беларус на юнацкай Алімпіядзе заваяваў бронзу ў брэйкінгу. Вось як яго сустрэлі дома2

У Малдове адмянілі канцэрт беларускага музыкі ДзіДзюЛі пасля зваротаў украінскіх дыпламатаў24

Пад Уроцлавам знайшлі магілу аднаго з пачынальнікаў Слуцкага паўстання. Пасля вайны ён схаваўся ў Сілезіі і выдаваў сябе за матэматыка са Львова2

ЕС уводзіць санкцыі супраць заснавальніцы Wildberries Таццяны Кім8

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны25

больш чытаных навін
больш лайканых навін

Крымскі мост зруйнаваны ўдарам ракет «Фламінга»21

Крымскі мост зруйнаваны ўдарам ракет «Фламінга»

Галоўнае
Усе навіны →

Заўвага:

 

 

 

 

Закрыць Паведаміць