Прыкладна за 35 марскіх міляў ад узбярэжжа Турцыі ў Чорным моры загарэўся танкер Virat, які ішоў пад сцягам Каморскіх астравоў. Раней паведамлялася, што аналагічны лёс напаткаў танкер Kairos пад сцягам Гамбіі.
Virat знаходзіцца пад санкцыямі Еўрасаюза, ЗША, Вялікабрытаніі, Канады і Швейцарыі, Kairos — пад санкцыямі ЕС, Брытаніі і Швейцарыі. Хоць гэтыя танкеры фармальна ходзяць пад сцягамі Каморскіх астравоў і Гамбіі, насамрэч, паводле звестак украінскай разведкі, яны належаць расіянам.
Дакладныя прычыны меркаваных выбухаў і пажараў на абодвух танкерах пакуль не вядомыя.
Z-блогеры пішуць, што судна магло быць атакаванае пяццю безэкіпажнымі катарамі прыкладна за 35 марскіх міляў ад берага ў Чорным моры. У выніку трапляння было нібыта пашкоджана машыннае аддзяленне.
Ва ўпраўленні турэцкага мараходства паведамілі, што стан 19 членаў экіпажа нармальны, але ў машынным аддзяленні назіраецца задымленне.
Турэцкае ўпраўленне суднаходства ўдакладняе, што Kairos гарыць прыкладна за 28 марскіх міляў (больш за 50 км) ад турэцкага берага, Virat — на ўсход ад яго, прыкладна за 35 міляў (каля 65 км) ад турэцкага берага.
Да найбліжэйшага пункту ўкраінскага ўзбярэжжа ад гэтага раёна — больш за 350 км.
На месца абодвух здарэнняў накіраваныя ратавальнікі. Паводле інфармацыі турэцкіх уладаў, члены абодвух экіпажаў эвакуяваныя.
Цяпер чытаюць
Трагедыя ў Барысаўскай бальніцы: унучка пацыента кажа, што на яго звярнулі ўвагу праз шэсць гадзін, калі ўжо пена пайшла з рота — ён памёр10
Трагедыя ў Барысаўскай бальніцы: унучка пацыента кажа, што на яго звярнулі ўвагу праз шэсць гадзін, калі ўжо пена пайшла з рота — ён памёр
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары