У Маскве падарваны аўтамабіль. Папярэдне, у ім быў генерал-лейтэнант Сарвараў
Выбух адбыўся каля 7‑й гадзіны раніцы ў двары жылога дома на вуліцы Ясеневай на поўдні Масквы. Пацярпелы шпіталізаваны ў цяжкім стане.
У Маскве ўчынены замах на высокапастаўленага расійскага вайскоўца — 56‑гадовага генерал-лейтэнанта Фаніля Сарварава, паведамляюць расійскія тэлеграм-каналы. Аўтамабіль начальніка Упраўлення аператыўнай падрыхтоўкі Узброеных сіл РФ быў падарваны на Ясеневай вуліцы.
Выбух адбыўся а 7‑й гадзіне раніцы ў двары жылога дома. Генерал-лейтэнант Фаніль Сарвараў сеў у свой аўтамабіль Kia Sorento і пачаў рух. Паводле папярэдніх звестак следства, самаробная выбуховая прылада была закладзеная пад дном машыны непасрэдна пад сядзеннем кіроўцы і спрацавала праз некалькі секунд пасля пачатку руху.
Генерала давялося дэблакаваць з пашкоджанага салона сіламі ратавальнікаў.
Сарвараў шпіталізаваны ў цяжкім стане, у яго дыягнаставаны шматлікія аскепкавыя раны і пераломы.
На месцы здарэння працуюць аператыўныя службы, якія высвятляюць тып і магутнасць выкарыстанай выбухоўкі.
Хто такі Фаніль Сарвараў?
Генерал Сарвараў займае ключавую пасаду ў структуры Генштаба Мінабароны Расіі. Яго ўпраўленне адказвае за арганізацыю буйнамаштабных вучэнняў і баявую падрыхтоўку злучэнняў.
Удзельнік асеціна-інгушскага канфлікту, абедзвюх чачэнскіх войнаў і аперацыі ў Сірыі.
Як кіраўнік аператыўнай падрыхтоўкі, ён непасрэдна адказны за боегатоўнасць войскаў, што ўдзельнічаюць у поўнамаштабным уварванні ва Украіне. Унесены ў базу «Міратворац».
Танкавы афіцэр, выпускнік Акадэміі Генштаба.
Ранг генерал-лейтэнанта атрымаў у 2024 годзе па ўказе Уладзіміра Пуціна.
Цяпер чытаюць
Прапагандысты паказалі моцна схуднелага Васіля Верамейчыка13
Каментары
гоооооойдаааааа!!!!!