Стала вядома, колькі людзей сёлета злавілі пры незаконным высяканні елак
Начальнік упраўлення лясной гаспадаркі Міністэрства лясной гаспадаркі Беларусі Аляксандр Угрын на прэс-канферэнцыі паведаміў, колькі парушэнняў, звязаных з незаконнай высечкай навагодніх дрэў, было зафіксавана ў святочны перыяд.
З 15 снежня па 8 студзеня дзяржаўная лясная ахова працавала ва ўзмоцненым рэжыме, каб не дапусціць незаконных высечак. Сярод іншага ладзіліся рэйды ў лясах — найперш у хвойных маладняках, каля дарог, населеных пунктаў і садовых таварыстваў, дзе рызыка незаконнай высечкі найбольшая.
Для выяўлення парушэнняў выкарыстоўваліся сродкі фота– і відэафіксацыі — так званыя фотапасткі. У сістэме Мінлясгаса іх налічваецца больш за 2100.
Па выніках праведзеных мерапрыемстваў было арганізавана больш за 1700 палявых праверак. За гэты час агледзелі каля 5600 транспартных сродкаў, 1100 участкаў нарыхтоўкі навагодніх дрэў і амаль 900 дазвольных дакументаў.
Усяго злавілі больш за 160 парушальнікаў, з іх 7 выпадкаў незаконнай высечкі навагодніх дрэў.
Аляксандр Угрын нагадаў, што за незаконную высечку або пашкоджанне дрэва-кустарнікавай расліннасці прадугледжана адміністрацыйная адказнасць. Штрафы складаюць:
- для фізічных асоб — да 30 базавых велічынь;
- для індывідуальных прадпрымальнікаў — да 200 базавых велічынь;
- для юрыдычных асоб — да 300 базавых велічынь.
Акрамя штрафу, парушальнікам давядзецца кампенсаваць шкоду, нанесеную навакольнаму асяроддзю, а таксама кошт незаконна нарыхтаванай прадукцыі. За кожнае навагодняе дрэва прадугледжана аплата ў памеры адной базавай велічыні.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ3
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»2929
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»29
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары