Грамадства2121

«Лепш было б яго ўсыпіць». Заолаг расказаў, якая небяспека для Беларусі можа быць ад янота, якога знайшлі мытнікі ў кантэйнеры з ЗША

Учора стала вядома, што падчас перагрузкі легкавых аўтамабіляў, дастаўленых у Беларусь з ЗША, беларускія мытнікі знайшлі незвычайнага госця: у адной з машын сядзеў янот. Як мяркуецца, жывёліна забралася ў марскі кантэйнер яшчэ на этапе пагрузкі і такім чынам пераадолела акіян. Ці можа ён быць небяспечны для нашай краіны, расказаў выданню «Смартпрэс» заолаг Аляксандр Вінчэўскі.

Пасля знаходжання ў кантэйнеры жывёліну тут жа адправілі на каранцін у Ашмянскую раённую ветстанцыю. Пасля яго завяршэння янота плануюць перадаць альбо ў Налібоцкую пушчу, альбо ў Гродзенскі заапарк: рашэнне прымуць з улікам стану амерыканскага госця.

Аднак, па словах заолага, лепш за ўсё было б жывёліну… усыпіць. Рэч у тым, патлумачыў Аляксандр Вінчэўскі, што разам з янотам у Беларусь «прыехалі» і паразіты — як вонкавыя, так і ўнутраныя. Акрамя таго, гэты від у Еўропе лічыцца інвазіўным: прасцей кажучы, яго распаўсюджванне пагражае біялагічнай разнастайнасці.

«У Еўрасаюзе, у адрозненне ад нас, увоз янотаў-паласкуноў забаронены. Напрыклад, у Германіі хтосьці чуллівы выпусціў яго на волю (ці сам збег), у выніку чаго іх там цяпер мільёны. Яны ўсюды робяць шкоду, бо могуць і плаваць, і па дрэвах лазіць, і рабаваць ўсіх наўкола — гнёзды, напрыклад. Да таго ж яны ядуць рыбу, ракаў, птушанят, мышэй, жаб. Увогуле, знішчаюць усё жывое», — расказаў заолаг.

Пасля Германіі яноты пачалі актыўна распаўсюджвацца ў Польшчы, а тры гады таму жывёл заўважылі ў пойме Заходняй Бярэзіны. Паводле слоў спецыяліста, іх бачылі як мінімум у Брэсцкім, Баранавіцкім і Іўеўскім раёнах.

«Ёсць верагоднасць, што яны ўжо прысутнічаюць у невялікай колькасці па ўсёй Заходняй Беларусі. Таму яшчэ адзін, на жаль, нам ніяк не патрэбен», — патлумачыў Вінчэўскі.

«Шкада жывёліну, вядома, але лепш было б яе ўсыпіць і аддаць навукоўцам. Па-добраму, нават у заапарках трэба ад іх пазбаўляцца, каб не было праблем для прыроды. Чужародны шкодны від… Яшчэ ў 50‑я гады іх у Беларусі хацелі інтрадукаваць з-за футра, але ўрэшце гэтыя некалькі дзясяткаў, выпушчаных на Палессі, знішчылі ваўкі і рысі», — дадаў заолаг.

Пра тое, што будзе з амерыканскім госцем далей, паабяцалі расказаць мытнікі.

Каментары21

  • Вось так
    15.01.2026
    Заолаг-жывадзёр
  • Сон
    15.01.2026
    Хай заолаг кажа правільна - лепш яго забіць. А то напрыдумлялі новаязаў як у расеі.
  • Сон
    15.01.2026
    Вось так , скуралуп ён.

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць