Свет1212

П'яны янот учыніў начны дэбош у краме, а пасля заснуў у прыбіральні

У горадзе Эшленд, што ў амерыканскім штаце Вірджынія, супрацоўнікі крамы алкагольных напояў ABC з раніцы атрымалі нечаканы «сюрпрыз». У памяшканні прайшоў сапраўдны начны дэбош, а вінаватым у ім аказаўся не чалавек, а янот, піша Бі-бі-сі.

Фота: Samantha Martin/Hanover County Protection via AP

Жывёліна трапіла ўсярэдзіну, верагодна, праз вентыляцыйную сістэму або інжынерныя камунікацыі. Апынуўшыся сярод паліц з алкаголем, янот пачаў вывучаць асартымент — лазіў па ніжніх стэлажах, разбіваў бутэлькі і «каштаваў» іх змесціва. Супрацоўнікі крамы раніцай знайшлі на падлозе раскіданыя шкляныя аскалёпкі і разлітыя спіртныя напоі.

Урэшце пасля гэтага «дэгустацыйнага тура» янот накіраваўся ў прыбіральню, дзе і заснуў паміж сметніцай і ўнітазам. Там яго і знайшлі.

На месца выклікалі службу кантролю за жывёламі. Інспектарка Саманта Марцін асцярожна забрала янота і адвезла ў прытулак — але зрабіла гэта толькі тады, калі жывёліна апрытомела і перастала выглядаць «пад градусам».

Ветэрынары агледзелі звярка і пацвердзілі, што фізічных траўмаў у яго няма, ён проста перабраў спіртнога. Найбольш яноту прыйшоўся даспадобы скотч — менавіта бутэлькі гэтага напою ён разбіў у найбольшай колькасці.

Запісы камер назірання зафіксавалі прыгоды «п’янага злодзея», але відэа размытае, таму дакладна вызначыць, колькі менавіта і чаго ён паспытаў, немагчыма.

У сацыяльных сетках крамы службе кантролю за жывёламі жартам падзякавалі за «прафесійную і цвярозую дастаўку дадому» незвычайнага госця. Інспектарка Саманта Марцін з гумарам адзначыла, што гэта «проста яшчэ адзін дзень на працы», і паабяцала, што служба кантролю зробіць усё магчымае, каб янот больш не шукаў сабе падобных прыгод.

Каментары12

  • дочка Максима Дизайнера
    04.12.2025
    дзень сурка №
  • дочка Максима Дизайнера, живущего в Ландоне
    04.12.2025
    "Больше всего еноту понравился скотч — именно бутылки этого напитка он разбил в наибольшем количестве."

    у дэгустатары яго
  • дочка Максима Дизайнера
    04.12.2025
    паказваю "Фота: Samantha Martin/Hanover County Protection via AP" мужу... ён пытае - а сядушку ад ванітаза янот разбіў? не канечне.- кажу

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Усе навіны →
Усе навіны

На Кіпры п’яны расіянін прычапіўся да п’янай украінкі. Яе спадарожнікі збілі яго на горкі яблык — можа страціць вока35

«Не можаш ваяваць — дапамагай. Не можаш дапамагаць — не трындзі»: маладая беларуска далучылася да УСУ ў 2026‑м і ваюе дроншчыцай26

Памёр адзін з акцёраў-блізнюкоў з папулярнага фільма «Нянькі»1

Самыя папулярныя браўзеры, сацсеткі і ШІ-пошукавікі ў Беларусі11

Выйшла кніга пра Зянона Пазняка. Яе рыхтавалі больш за 10 гадоў17

Былы расійскі губернатар Гладкоў адмовіўся ад канала з 400 тысячамі падпісчыкаў. У Крамлі былі незадаволеныя яго актыўнасцю

Беларусы незадаволеныя канцэртам «Тату» ў Мінску — бо артысткі спявалі не на рускай мове28

Арына Сабаленка, падобна, нецэнзурна выказалася ў бок украінскай тэнісісткі пасля сваёй паразы37

Дэталі аварыі на Міншчыне, дзе загінулі трое: 21‑гадовага кіроўцу пазбавілі правоў — але рашэнне не паспела ўступіць у сілу

больш чытаных навін
больш лайканых навін

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал17

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал

Галоўнае
Усе навіны →

Заўвага:

 

 

 

 

Закрыць Паведаміць