У Мінску мужчына распыліў газ на прадавачку, якая не давала яму красці бліны
Кіраўніца адной з крам у Заводскім раёне Мінска паведаміла ў міліцыю, што невядомы ў стане алкагольнага ап’янення спрабаваў скрасці тавар, а калі яна паспрабавала перашкодзіць гэта зрабіць — то прымяніў супраць яе пярцовы газ.
Скрыншот з відэа
Патрульныя міліцыянеры хутка затрымалі 40‑гадовага мінчука, які раней ужо прыцягваўся да крымінальнай адказнасці за незаконны абарот наркотыкаў.
Высветлілася, што мужчына на касе аплаціў толькі алкагольныя напоі, а ўпакоўку з блінамі проста паклаў у кішэню і спрабаваў хутка выйсці з імі з крамы. Прадавачка заўважыла гэта і папрасіла вярнуць тавар. Пасля таго ж, як бліны засталіся на касе, мужчына распыліў жанчыне газ у твар і ўцёк.
Супраць яго завялі крымінальную справу па артыкуле «Хуліганства».
Каментары