Грамадзянка Індыі, якая захрасла ў Беларусі, заўтра вылеціць на радзіму
Грамадзянка Індыі Міна Джошы, якая апынулася ў Беларусі без працы і грошай, вылеціць у Дэлі заўтра, 23 студзеня.
Агент, з якім супрацоўнічала жанчына, купіў ёй зваротны білет. Яна прыляціць у Дэлі рэйсам «Белавія», пішуць індыйскія медыя, заўважыў Reform.news.
Як распавяла Джошы, яна паехала ў Беларусь праз агента. Ёй абяцалі працу на ўпакоўцы садавіны, але на месцы высветлілася, што яна павінна прыбіраць хлеў.
Жанчына прапрацавала ў такіх умовах тыдзень, а потым вырашыла вярнуцца дадому, аднак не магла звязацца з агентам.
Пасля гэтага жанчына запісала рэзананснае відэа, у якім распавяла, што не атрымала абяцанай працы і заробку, жыве ў кароўніку і не можа вярнуцца ў Індыю праз адсутнасць грошай. Пра сітуацыю напісалі індыйскія і беларускія СМІ.
МУС Беларусі назвала інфармацыю пра грамадзянку Індыі фэйкавай. У МУС патлумачылі, што ў лістападзе жанчына атрымала працу і дазвол на часовае пражыванне, але праз 8 дзён скасавала кантракт, што прывяло да анулявання дазволу. Пасля гэтага яна выязджала ў Расію, але вярнулася ў Беларусь. МУС паабяцала правесці праверку і даць прававую ацэнку дзеянням пасрэднікаў і наймальнікаў.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай51
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары