«Я адзіная беларуска, якая перамагла ў шоу! 5 сезон 29 серыя». Ксенія Чылікіна з Мінска вельмі ганарыцца сваім дасягненнем і прымае віншаванне ў сацыяльных сетках. На шоу дзяўчына жартавала, што дома яе перамогі больш за ўсіх чакае афрыканскі вожык Дарт Вэйдэр.
Кулінарнае шоу-спаборніцтва «Бітва шэфаў» выходзіць на расійскім тэлеканале «Пятніца». У ім два шэф-кухары Рэнат Агзамаў і Канстанцін Іўлеў збіраюць свае каманды, а потым удзельнікі змагаюцца паміж сабою ў гатаванні розных страў.
У праекце ўдзельнічаюць як прафесійныя кухары, так і проста дасведчаныя аматары кулінарыі. У кожным выпуску ўдзельнікам даводзіцца гатаваць самыя розныя стравы — ад класічных рэцэптаў да новых ці вельмі экзатычных.
Кухары павінны ўразіць творчасцю, тэхнікай і крэатыўнасцю. У кожным выпуску выбіраюць найлепшага чарадзея рондаляў і патэльняў. А яго перамога ідзе ў залік настаўніка.
Ксеніі Чылікінай 32 гады, яна паспела папрацаваць у розных еўрапейскіх рэстаранах. Цяпер Ксенія працуе ў Мінску персанальным шэф-кухарам. На тэлепраект у якасці хатняга задання прынесла сібас з гароднінай. Канстанцін Іўлеў не захацеў нават пакаштаваць рыбу: ён грэбліва паморшчыўся, бо застаўся незадаволены тым, што сібас быў большы за талерку. У выніку беларуска трапіла ў каманду Рэната Агзамава, які прызнаў, што страва ўсё ж смачная.
Падчас першага выпрабавання каманды за гадзіну гатавалі лаксу (страва перанаканскай кухні, востры суп з локшынай). Другім заданнем стала за 40 хвілін прыгатаваць кефтэдэс з цацыкі (каманда Агзамава) і кастаньёле (каманда Іўлева). А ў фінале трэба было за тыя ж 40 хвілін прыгатаваць страву, дзе перац стане галоўным інгрэдыентам.
Ксенія вырашыла здзівіць шэфаў брускетамі з песта з печаных перцаў. Вядучыя адразу сказалі, што выглядае страва неяк дзіўна, але ж смак іх таксама здзівіў. Ксенія была ў захапленні ад таго, што Канстанцін Іўлеў, які скептычна паставіўся да яе напачатку шоу, прызнаў: страва атрымалася ідэальнай.
Запісвалі выпуск з удзелам беларускі яшчэ летась у верасні, але да моманту трансляцыі (26 студзеня) ёй было нельга нічога распавядаць. Цяпер Ксенія не хавае сваю радасць і распавядае пра перамогу ў сацсетках — ну і прымае віншаванні ад суайчыннікаў.
Дарэчы, пераможца 19 выпуску чацвёртага сезона «Бітвы шэфаў» таксама жыве ў Мінску — гэта Кайла Пінеда. Сама дзяўчына з Венесуэлы, але выйшла замуж за беларуса і пераехала на яго радзіму больш за 10 гадоў таму. У беларускай сталіцы Кайла ладзіць кулінарныя вечарыны, дзе вучыць гатаваць розныя стравы.
Каманда беларуса Дзмітрыя Банчынчэ перамагла ў папулярным расійскім шоу «Ліга танца»
Беларускі комік перамог у польскім гумарыстычным тэлешоу
Чым цяпер жыве Ксенія Волкава з «Апошняга героя»? Чвэрць стагоддзя таму гэтая беларуска трапіла на трапічны востраў
«Дыялект падазроны». Спявак Сярога прыйшоў на расійскае рэаліці і сабраў усіх хэйтараў
Каментары