Biełaruska pieramahła ŭ rasijskim kulinarnym telešou «Bitva šefaŭ»
«Ja adzinaja biełaruska, jakaja pieramahła ŭ šou! 5 siezon 29 sieryja». Ksienija Čylikina ź Minska vielmi hanarycca svaim dasiahnieńniem i prymaje vinšavańnie ŭ sacyjalnych sietkach. Na šou dziaŭčyna žartavała, što doma jaje pieramohi bolš za ŭsich čakaje afrykanski vožyk Dart Vejder.
Kulinarnaje šou-spabornictva «Bitva šefaŭ» vychodzić na rasijskim telekanale «Piatnica». U im dva šef-kuchary Renat Ahzamaŭ i Kanstancin Iŭleŭ źbirajuć svaje kamandy, a potym udzielniki zmahajucca pamiž saboju ŭ hatavańni roznych straŭ.
U prajekcie ŭdzielničajuć jak prafiesijnyja kuchary, tak i prosta daśviedčanyja amatary kulinaryi. U kožnym vypusku ŭdzielnikam davodzicca hatavać samyja roznyja stravy — ad kłasičnych receptaŭ da novych ci vielmi ekzatyčnych.
Kuchary pavinny ŭrazić tvorčaściu, technikaj i kreatyŭnaściu. U kožnym vypusku vybirajuć najlepšaha čaradzieja rondalaŭ i patelniaŭ. A jaho pieramoha idzie ŭ zalik nastaŭnika.
Ksienii Čylikinaj 32 hady, jana paśpieła papracavać u roznych jeŭrapiejskich restaranach. Ciapier Ksienija pracuje ŭ Minsku piersanalnym šef-kucharam. Na teleprajekt u jakaści chatniaha zadańnia pryniesła sibas z harodninaj. Kanstancin Iŭleŭ nie zachacieŭ navat pakaštavać rybu: jon hrebliva pamorščyŭsia, bo zastaŭsia niezadavoleny tym, što sibas byŭ bolšy za talerku. U vyniku biełaruska trapiła ŭ kamandu Renata Ahzamava, jaki pryznaŭ, što strava ŭsio ž smačnaja.
Padčas pieršaha vyprabavańnia kamandy za hadzinu hatavali łaksu (strava pieranakanskaj kuchni, vostry sup z łokšynaj). Druhim zadańniem stała za 40 chvilin pryhatavać kieftedes z cacyki (kamanda Ahzamava) i kastańjole (kamanda Iŭleva). A ŭ finale treba było za tyja ž 40 chvilin pryhatavać stravu, dzie pierac stanie hałoŭnym inhredyjentam.
Ksienija vyrašyła ździvić šefaŭ bruskietami ź piesta ź piečanych piercaŭ. Viadučyja adrazu skazali, što vyhladaje strava niejak dziŭna, ale ž smak ich taksama ździviŭ. Ksienija była ŭ zachapleńni ad taho, što Kanstancin Iŭleŭ, jaki skieptyčna pastaviŭsia da jaje napačatku šou, pryznaŭ: strava atrymałasia idealnaj.
Zapisvali vypusk z udziełam biełaruski jašče letaś u vieraśni, ale da momantu tranślacyi (26 studzienia) joj było nielha ničoha raspaviadać. Ciapier Ksienija nie chavaje svaju radaść i raspaviadaje pra pieramohu ŭ sacsietkach — nu i prymaje vinšavańni ad suajčyńnikaŭ.
Darečy, pieramožca 19 vypusku čaćviortaha siezona «Bitvy šefaŭ» taksama žyvie ŭ Minsku — heta Kajła Pinieda. Sama dziaŭčyna ź Vieniesueły, ale vyjšła zamuž za biełarusa i pierajechała na jaho radzimu bolš za 10 hadoŭ tamu. U biełaruskaj stalicy Kajła ładzić kulinarnyja viečaryny, dzie vučyć hatavać roznyja stravy.
Kamanda biełarusa Dźmitryja Bančynče pieramahła ŭ papularnym rasijskim šou «Liha tanca»
Biełaruski komik pieramoh u polskim humarystyčnym telešou
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ
Kamientary