Кітайскі вытворца спартыўных тавараў Anta Sports набывае кантрольны пакет акцый нямецкага брэнду Puma за 1,79 мільярда даляраў. Пра гэта паведамляецца ў заяве Ганконгскай фондавай біржы, піша Reuters. Здзелка дазволіць кітайскаму гіганту істотна пашырыць сваю прысутнасць на сусветным рынку спартыўнай экіпіроўкі, далёка за межамі Кітая.
У Anta адзначылі, што набыццё долі ў Puma павінна ўмацаваць пазнавальнасць брэнду і яго пазіцыі на глабальным рынку, у тым ліку ў Кітаі. Старшыня савета дырэктараў Anta Дзін Шычжун заявіў, што, на яго думку, кошт акцый Puma ў апошнія месяцы не адлюстроўвае сапраўдны доўгатэрміновы патэнцыял кампаніі.
Пры гэтым у Anta падкрэслілі, што не плануюць поўнага паглынання легендарнага нямецкага брэнду. Здзелка яшчэ павінна атрымаць дазвол ад рэгуляцыйных органаў, а пры спрыяльных умовах яе плануюць завяршыць да канца года.
Anta базуецца ў паўднёва-ўсходняй кітайскай правінцыі Фуцзянь і ўваходзіць у лік найбуйнейшых у свеце вытворцаў спартыўнага адзення. Кампанія была заснаваная ў 1991 годзе і праз сваю «дачку» Amer Sports валодае шэрагам вядомых міжнародных брэндаў, у тым ліку Wilson, Arc'teryx і Salomon. Акрамя таго, Anta кантралюе правы на працу на кітайскім рынку для замежных марак, такіх як Fila і Descente.
Паводле звестак аналітычнай кампаніі Euromonitor International, Anta займае трэцяе месца ў свеце сярод брэндаў спартыўнага адзення, саступаючы толькі Nike і Adidas. Пакет акцый Puma, які набывае Anta, раней належаў групе Artemis, што кантралюецца сям’ёй французскіх мільярдэраў Піно.
Кітайская кампанія BYD абагнала Tesla і стала найбуйнейшым у свеце прадаўцом электрамабіляў
Рудкоўскі тлумачыць, чаму Трамп мае рацыю наконт Грэнландыі
Кітайскі аўтапрам імкліва заваёўвае Еўропу. Замест сваіх легенд еўрапейскія заводы выпускаюць аўто з Паднябеснай
Танкі замест аўтамабіляў. ВПК замяняе аўтапрамысловасць у якасці галоўнага рухавіка эканомікі Германіі
Каментары