Два гады таму, у відэа, знятым да 60‑годдзя тады зняволенага палітыка Віктара Бабарыкі, аўтар відэаканала «Жыццё-маліна» Мікіта Мелказёраў сфармуляваў тры пытанні да яго. Сёння, на саракавіны з дня смерці Мікіты Мелказёрава, Бабарыка апублікаваў у фэйсбуку свае адказы на тыя пытанні.
— Наколькі лёгка ці цяжка захаваць веру ў людзей?
— Захаваць веру ў людзей лёгка, калі ты разумееш, што ў любых абставінах і асяроддзі, дзе б ты ні апынуўся, і дзе вакол цябе не вельмі добрыя і прыемныя людзі, колькасць гэтых людзей мізэрная. У параўнанні з той колькасцю, з якой табе пашанцавала сустракацца ў жыцці.
— Наколькі лёгка ці цяжка захаваць веру ў Беларусь?
— Захаваць веру ў Беларусь таксама лёгка, таму што для мяне Беларусь — гэта беларусы. А яны, у сваёй большасці, шчырыя, добрыя і неабыякавыя да іншых людзей. І гэта нягледзячы на тое, што сёння за гэтую дабрыню і павагу многія з іх праходзяць праз катаванні.
— Наколькі лёгка ці цяжка не зламацца?
— Не зламацца цяжэй. Таму што калі ты не ведаеш нічога аб тым, як выглядае свет і як ён да цябе ставіцца, калі табе кажуць, што ты нікому не патрэбны і ўсе пра цябе забылі, калі аб гэтым сведчыць усё наўкола, то гэтыя не фізічныя, а псіхалагічныя катаванні вельмі непрыемныя. Аднак адзіны сродак пераадолець гэта — разуменне, што ведаць — не заўсёды важна. Большую ролю мае вера ў тое, пра што я адказаў у першых двух пытаннях.
37‑гадовы вядоўца папулярнага ютуб-канала «Жыццё-маліна» Мікіта Мелказёраў нечакана памёр у ноч з 20 на 21 снежня 2025 года.
«Цяпер дастаткова часу». Івулін паклаў Мелказёраву ў труну «Каласы пад сярпом тваім», што Мікіта не паспеў дачытаць
Пракуратура пра смерць Мелказёрава: журналіст меў хранічную хваробу
Меркаванне: «Жыццё-маліна» мусіць працягвацца, Мікіта беларусеў і беларусіў не для таго, каб гэта спынілася
Што будзе з каналам «Жыццё-маліна»? Каманда адказала
«Беларусь цябе любіць». Рэпартаж з развітання з Мікітам Мелказёравым
Каментары