Даклад CSIS: Расія страціла на вайне забітымі і параненымі 1,2 млн чалавек, Украіна — да 600 тысяч
Амерыканскі даследчы цэнтр CSIS (Center for Strategic and International Studies) апублікаваў даклад з ацэнкай агульнай колькасці вайскоўцаў, якія Украіна і Расія страцілі на вайне забітымі і параненымі.
Паводле ацэнкі экспертаў цэнтра, агульная колькасць расійскіх страт з лютага 2022 года, калі пачалося поўнамаштабнае ўварванне, складае да 1,2 млн, у тым ліку 325 тыс. забітых, піша Бі-бі-сі.
Ацэнка колькасці загінулых расійскіх ваенных у цэлым супадае з падлікамі, якія вядзе на аснове адкрытых крыніц Руская служба Бі-бі-сі сумесна з выданнем «Медыязона» і камандай валанцёраў.
Паводле звестак Бі-бі-сі, рэальная колькасць загінулых з расійскага боку можа быць у дыяпазоне ад 254 800 да 368 100 чалавек. Аднак выніковая лічба істотна ўзрастае, калі ўлічыць тых, хто ваяваў супраць Украіны ў складах падраздзяленняў самаабвешчаных ДНР і ЛНР.
Разам з тым падлічыць колькасць параненых значна цяжэй. У тым ліку гэта звязана з тым, што паведамленні аб раненнях рэдка публікуюцца ў СМІ, а таксама з тым, што параненыя расійскія ваеннаслужачыя часта зноў адпраўляюцца на фронт пасля лячэння і могуць атрымліваць новыя раненні.
«Пасля Другой сусветнай вайны ніводная вядучая дзяржава свету і блізка не цярпела падобных страт на якіх-небудзь войнах», — сказана пра расійскія страты ў дакладзе CSIS.
Як піша CSIS, падчас поўнамаштабнага ўварвання Узброеныя сілы Украіны, верагодна, страцілі забітымі і параненымі ад 500 тыс. да 600 тыс. чалавек, у тым ліку ад 100 тыс. да 140 тыс. загінулых.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары