Dakład CSIS: Rasija straciła na vajnie zabitymi i paranienymi 1,2 młn čałaviek, Ukraina — da 600 tysiač
Amierykanski daśledčy centr CSIS (Center for Strategic and International Studies) apublikavaŭ dakład z acenkaj ahulnaj kolkaści vajskoŭcaŭ, jakija Ukraina i Rasija stracili na vajnie zabitymi i paranienymi.
Pavodle acenki ekśpiertaŭ centra, ahulnaja kolkaść rasijskich strat ź lutaha 2022 hoda, kali pačałosia poŭnamaštabnaje ŭvarvańnie, składaje da 1,2 młn, u tym liku 325 tys. zabitych, piša Bi-bi-si.
Acenka kolkaści zahinułych rasijskich vajennych u cełym supadaje z padlikami, jakija viadzie na asnovie adkrytych krynic Ruskaja słužba Bi-bi-si sumiesna z vydańniem «Miedyjazona» i kamandaj vałancioraŭ.
Pavodle źviestak Bi-bi-si, realnaja kolkaść zahinułych z rasijskaha boku moža być u dyjapazonie ad 254 800 da 368 100 čałaviek. Adnak vynikovaja ličba istotna ŭzrastaje, kali ŭličyć tych, chto vajavaŭ suprać Ukrainy ŭ składach padraździaleńniaŭ samaabvieščanych DNR i ŁNR.
Razam z tym padličyć kolkaść paranienych značna ciažej. U tym liku heta źviazana z tym, što paviedamleńni ab ranieńniach redka publikujucca ŭ ŚMI, a taksama z tym, što paranienyja rasijskija vajennasłužačyja časta znoŭ adpraŭlajucca na front paśla lačeńnia i mohuć atrymlivać novyja ranieńni.
«Paśla Druhoj suśvietnaj vajny nivodnaja viadučaja dziaržava śvietu i blizka nie ciarpieła padobnych strat na jakich-niebudź vojnach», — skazana pra rasijskija straty ŭ dakładzie CSIS.
Jak piša CSIS, padčas poŭnamaštabnaha ŭvarvańnia Uzbrojenyja siły Ukrainy, vierahodna, stracili zabitymi i paranienymi ad 500 tys. da 600 tys. čałaviek, u tym liku ad 100 tys. da 140 tys. zahinułych.
-
Sałaŭjoŭ abvinavaciŭ Ksieniju Sabčak i jaje maci Narusavu ŭ dziaržzdradzie
-
Perys Chiłtan damahłasia zakryćcia elitnaj škoły, u jakoj jana vučyłasia i ŭ jakoj ździekavalisia ź dziaciej
-
Sikorski pra mahčymy napad rasijan na Polšču: Jany niešta rychtujuć, hetak sama, jak heta było pierad uvarvańniem va Ukrainu
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary