Еўрасаюз плануе ўпершыню ўвесці санкцыі супраць марскіх партоў трэціх краін за ўдзел у гандлі расійскай нафтай. Паводле інфармацыі Reuters, у рамках 20‑га пакета санкцый пад абмежаванні могуць трапіць порт Кулеві ў Грузіі і порт Карымун у Інданезіі.
Таксама плануецца пашырыць «чорны спіс» танкераў, звязаных з перавозкай расійскай нафты, яшчэ на 43 судны.
Акрамя таго, санкцыі могуць закрануць шэраг банкаў у Кыргызстане, Таджыкістане і Лаосе, пры гэтым з двух кітайскіх банкаў абмежаванні, наадварот, могуць зняць.
У спіс таксама могуць увайсці расійская кампанія «Башнафта» і восем нафтаперапрацоўчых заводаў у Расіі.
Раней паведамлялася, што Брусель разам з краінамі «Вялікай сямёркі» абмяркоўвае адмову ад механізму «цэнавай столі» і ўвядзенне поўнай забароны на аказанне марскіх паслуг для перавозкі расійскай нафты, уключаючы страхаванне і фрахт. Кіраўніцтва ЕС пацвердзіла, што такі крок можа ўвайсці ў новы санкцыйны пакет.
Асноўная мэта гэтых мер — спыніць дзейнасць так званага «ценявога флоту», з дапамогай якога Расія абыходзіць санкцыі. Пры гэтым, паводле ацэнак аналітыкаў з CREA, яшчэ ў кастрычніку 2025 года значная частка расійскай нафты (каля 38%) перавозілася танкерамі, звязанымі з краінамі G7.
Напрыканцы студзеня 14 прыбярэжных дзяржаў Балтыйскага і Паўночнага мораў заявілі, што будуць затрымліваць судны «ценявога флоту», калі іх прызнаюць караблямі без грамадзянства.
Як чакаецца, канчатковае зацвярджэнне 20‑га пакета санкцый адбудзецца да 24 лютага, 4‑й гадавіны развязвання Расіяй поўнамаштабнай вайны супраць Украіны.
Вайскоўцы ЗША затрымалі яшчэ адзін танкер расійскага ценявога флоту
Еўрасаюз абмяркоўвае поўную забарону марскіх перавозак расійскай нафты
Расійскі танкер, эфектна затрыманы Францыяй у Міжземным моры, адпусцяць плаваць далей
Ценявы флот Пуціна пад пагрозай — 14 краін Еўропы хочуць заблакаваць яго ў Балтыйскім моры
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая39
Каментары