Расійскі танкер, эфектна затрыманы Францыяй у Міжземным моры, адпусцяць плаваць далей
Прэзідэнт Францыі Эмануэль Макрон патлумачыў прэзідэнту Украіны Уладзіміру Зяленскаму, што затрыманы французамі расійскі танкер з так званага ценявога флоту Расіі прыйдзецца адпусціць з-за дзейных законаў Францыі. Пра гэта Зяленскі паведаміў на сустрэчы з журналістамі ў Кіеве.
Украінскі прэзідэнт падзякаваў Макрону за затрыманне танкера Grinch, які належыць да ценявога флоту. Макрон жа адзначыў, што трэба змяніць заканадаўства, каб у будучыні падсанкцыйныя расійскія танкеры маглі заставацца ў стане пад арыштам у Францыі.
Зяленскі заклікаў іншыя еўрапейскія краіны па прыкладзе Францыі спыняць і арыштоўваць танкеры ценявога флоту. Ён падкрэсліў, што канфіскацыя такіх суднаў — адзін з інструментаў, здольных паскорыць заканчэнне вайны ва Украіне.
Танкер Grinch быў затрыманы 22 студзеня каля іспанскіх берагоў пасля праверкі дакументаў, якія пацвердзілі падазрэнні адносна несапраўднага сцяга. Судна ішло з Мурманска пад сцягам Каморскіх астравоў і часта дастаўляла нафту ў парты Кітая і Індыі. Танкер фігуруе ў санкцыйных спісах ЕС, Вялікабрытаніі і ЗША пад рознымі назвамі.
28 студзеня паведамлялася, што затрыманы танкер застанецца «затрыманым» да прыняцця далейшых рашэнняў. Міністр замежных спраў Францыі Жан-Наэль Баро раней заклікаў да жорсткіх мер супраць суднаў «ценявога флоту» Расіі ў рамках 20‑га пакета санкцый ЕС.
Расійскі нафтавы танкер страціў кіраванне каля ўзбярэжжа Афрыкі
Ценявы флот Пуціна пад пагрозай — 14 краін Еўропы хочуць заблакаваць яго ў Балтыйскім моры
З'явілася ВІДЭА, як французскія вайскоўцы бяруць на абардаж танкер расійскага ценявога флоту
Францыя затрымала ў Міжземным моры танкер расійскага ценявога флоту
Германія ўпершыню не прапусціла танкер расійскага ценявога флоту праз свае тэрытарыяльныя воды
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары