На пляцоўцы «Белюрзабеспячэнне», якая рэалізуе арыштаваную і канфіскаваную маёмасць, на люты выстаўлены два лоты: зямельны ўчастак і аўтамабіль, што належаць Генадзю (грамадзянскае імя святара) Акалатовічу, які быў нядаўна вызвалены.
Зямельны ўчастак у вёсцы Новая Мыш Баранавіцкага раёна плошчай 0,12 га выстаўлены з пачатковым коштам 6 600 рублёў: піша «Хрысціянская візія».
Таргі пройдуць (калі будуць удзельнікі) 24 лютага. У абцяжараннях пазначана: «забарона здзяйснення рэгістрацыйных дзеянняў судовага выканаўцы».
А вось лёс аўтамабіля Volkswagen Touran 2007 года выпуску ўжо вырашаны. Таргі адбыліся 3 лютага — у іх удзельнічалі тры чалавекі. Машыну прадалі за 12 852 рублі.
Было пазначана: забарона здзяйснення рэгістрацыйных дзеянняў судовага выканаўцы і арышт КДБ РБ. Нагадаем, акрамя тэрміну ў 11 гадоў ксяндзу за «дзяржздраду» па прыгаворы суда таксама прызначылі пакрыць шкоду ў памеры 1,7 млн рублёў — гэта каля 500 тысяч еўра. У 2021‑2022 гадах на гэтай жа пляцоўцы прадаваліся як мінімум два аўтамабілі, зарэгістраваныя на Генрыха Акалатовіча.
Магчыма, гаворка ідзе пра парафіяльны аўтапарк.
Пробашч парафіі ў Валожыне Генрых Акалатовіч быў асуджаны па абвінавачванні ў «здрадзе дзяржаве» на 11 гадоў зняволення. У лістападзе 2025 года ён быў вызвалены па памілаванні.
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары