Čatyrochpakajovaja kvatera, što na vulicy Filimonava, maje ahulnuju płošču 120,5 kvadratnaha mietra. Pačatkovy košt kvatery składaŭ 376 800 rubloŭ. U vyniku jaje pradali za 661 285 rubloŭ, vynikaje sa źviestak BiełJurZabieśpiačeńnia.
U kvatery prapisanyja try čałavieki, u tym liku adzin niepaŭnaletni, a taksama płyŭčycha Alaksandra Hierasimienia, jakaja ŭ 2020‑2022 hadach ŭznačalvała Biełaruski fond spartovaj salidarnaści.
U 2022 hodzie Minski haradski sud u 2022 hodzie asudziŭ jaje da 12 hadoŭ pazbaŭleńnia voli za zakliki da sankcyjaŭ suprać Biełarusi (č. 3 art. 361 KK RB).
Kvateru, u jakoj była zarehistravanaja Hierasimienia, aryštavali i vystavili na aŭkcyjon. Ale raniejšyja try sproby pradać jaje nie dali plonu. Pieršy raz jaje chacieli pradać za 942 000 rubloŭ, druhi — za 753 600, treci — za 565 200.
Kamientary