Новы вярхоўны лідар Ірана Маджтаба Хаменеі ў сваім звароце, які зачыталі па дзяржаўным тэлебачанні, пералічыў усе страты сваёй сям'і пад амерыкана-ізраільскімі абстрэламі. Аказалася, што сярод загінулых была і ягоная жонка.
«Я выказваю глыбокае спачуванне сем'ям пакутнікаў. Я падзяляю гэты досвед з вамі: акрамя бацькі, я страціў сваю дарагую і верную жонку, сваю адданую сястру разам з яе малым дзіцём, і мужа маёй другой сястры», — заявіў Маджтаба Хаменеі.
Звяртае на сябе ўвагу, што сярод пералічаных няма маці Маджтабы, Мансурэ Хаджастэ Багерзадэ, пра смерць якой у выніку атрыманых раненняў паведаміла іранскае выданне Sabereen News яшчэ 2 сакавіка.
Пасля таго прайшло 10 дзён, і 12 сакавіка іранскае агенцтва Fars паведаміла, што інфармацыя пра смерць жонкі ранейшага вярхоўнага лідара Ірана Алі Хаменеі была нібыта памылковай.
«У апошнія некалькі дзён пасля гібелі рэвалюцыйнага лідара некаторыя СМІ памылкова апублікавалі навіну пра гібель жонкі загінулага вялікага аяталы», — лаканічна паведаміла агенцтва.
Чаму з абвяржэннем гэтай інфармацыі цягнулі так доўга, не паведамляецца.
Маджтаба Хаменеі выступіў з першым зваротам у якасці вярхоўнага лідара Ірана. Яго пачулі, але не пабачылі
Расія папярэджвала Алі Хаменеі пра ўдар, але той нібыта абраў пакутніцкую смерць
Улады Ірана прызналі, што новы вярхоўны лідар паранены — пералом ступні і парэзы на твары
«Адсячэш адну галаву — вырастаюць новыя». Як кіраўніцтва Ірана пабудавала сістэму, якая дазваляе ўтрымліваць уладу
Каментары