А 22‑гадовая зорка серыяла «Вельмі дзіўныя справы» стала самай маладой актрысай у гісторыі рэйтынга Forbes.
Самы высокааплатны акцёр мінулага года па падліках Forbes — Адам Сэндлер. Ён зарабіў 48 мільёнаў даляраў (пасля выплаты ганарараў свайму агенту і менеджару).
У яго заключаны доўгатэрміновы кантракт з Netflix. У 2025 годзе Сэндлер выступіў прадзюсарам і зняўся ў фільме «Шчасліўчык Гілмар 2», а таксама сыграў галоўную ролю ў фільме Netflix «Джэй Кэлі», атрымаўшы намінацыю на прэмію «Залаты глобус» за найлепшую мужчынскую ролю другога плана.
Далей у рэйтынгу ідзе Том Круз з 46 мільёнамі даляраў за год. На экраны з ім выйшаў баевік «Місія невыканальная: Фінальная расплата» (восьмая частка гэтай серыі фільмаў).
На трэцім месцы Марк Уолберг ($44 мільёны), на чацвёртым — Скарлет Ёхансан ($43 мільёны), на пятым — Брэд Піт ($41 мільён).
У топ-10 увайшлі таксама акцёры Дэнзел Вашынгтон ($38 мільёнаў), Джэк Блэк ($28 мільёнаў), Джэйсан Мамоа ($28 мільёнаў), Дэніэл Крэйг ($27 мільёнаў) і Мілі Бобі Браўн ($26 мільёнаў).
Браўн, 22‑гадовая зорка серыяла Netflix «Вельмі дзіўныя справы» (Stranger Things), стала самай маладой актрысай у гісторыі рэйтынга Forbes.
Каментары