Менавіта за блогерскую дзейнасць у канцы 2021 года беларускія ўлады прысудзілі Эдуарду Пальчысу 13 гадоў калоніі.
«Вас нават і на 5 гадоў нельга пакінуць адных», — пажартаваў Пальчыс і павіншаваў усіх з Днём Волі.
Таксама Эдуард падзячыў усім, хто дапамагаў гэтыя 5 гадоў яго сям’і.
«Неверагодна ўдзячны Госпаду за тое, што ён мне паказаў за гэты час лепшых людзей нацыі. Ну і горшых таксама.
Мне вельмі доўга і шмат каму прыйдзецца казаць «Дзякуй». Камусьці і да канца жыцця.
Але вельмі шмат нашых яшчэ там. І момант вызвалення не быў радасным на 100%», — напісаў ён у былым твітары, цяперашняй сетцы Х.
Блогер Эдуард Пальчыс знаходзіўся за кратамі з верасня 2020 года. Суд, які адбыўся ў канцы 2021 года, прысудзіў яму 13 гадоў калоніі.
Калі Эдуард быў у зняволенні, у яго нарадзілася дачка.
Яго вызвалілі 19 сакавіка пасля візіту ў Беларусь спецпрадстаўніка ЗША Джона Коўла. У ліку 15 палітвязняў Пальчыса дэпартавалі з краіны.
Цяпер чытаюць
Былога міліцыянера асудзілі за жаданне ваяваць у Палку Каліноўскага. Пагражала да 15 гадоў калоніі15
Каментары