«У цэлым фронт трымаецца», — кажа прэзідэнт Украіны.
Сітуацыя на фронце застаецца складанай, аднак, паводле высноў брытанскай разведкі, для Украіны яна з’яўляецца найлепшай за апошнія 10 месяцаў. Пра гэта заявіў Уладзімір Зяленскі падчас размовы з журналістамі, піша «Укрінфарм».
«У сераду быў даклад маёй разведкі і аналіз брытанскай разведкі. Я атрымаў бачанне МІ-6 адносна сітуацыі на фронце, а менавіта — зараз найлепшая для Украіны сітуацыя за апошнія 10 месяцаў. Гэта іх выснова, і ўсе партнёры гэта бачаць. З улікам акупацыі нашых тэрыторый і дэакупацыі нашых тэрыторый, цяпер мы ў невялікім плюсе — вызвалілі каля 20 квадратных кіламетраў. У цэлым фронт трымаецца. Таму выснова брытанскай разведкі такая — сітуацыя складаная, але найлепшая за апошнія 10 месяцаў. Гэта справядлівая выснова. Я ўдзячны ўсім нашым падраздзяленням, якія гэта забяспечваюць», — сказаў Зяленскі.
Зяленскі таксама адзначыў, што рэгулярна атрымлівае даклады ад галоўнакамандуючага УСУ. У прыватнасці, апошнім часам расійскія войскі актывізавалі штурмы, карыстаючыся туманам. Ён заўважыў, што расійцы разумеюць, што будзе больш светлых дзён, больш сонца, і гэта зменшыць іх магчымасці быць непрыкметнымі, таму калі ёсць туман, яны групамі спрабуюць інфільтравацца.
УСУ фіксуюць назапашванне сіл ворага на Пакроўскім і Гуляйпольскім напрамках
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя13
Каментары