Ніхто яшчэ не быў так далёка ад дома, як астранаўты місіі «Артэміда».
Але пакуль Зямля станавілася ўсё меншай у іх «люстэрку задняга віду», яны мелі пастаянную сувязь з цэнтрам кіравання палётамі ў Х’юстане, штат Тэхас. Спакойныя словы каманды NASA давалі экіпажу адчуванне сувязі з домам.
Аднак ноччу сувязь з Зямлёй перарвецца, піша Бі-бі-сі.
Калі астранаўты апынуцца за Месяцам прыкладна ў 03:47 па беларускім часе ў ноч на аўторак, радыё– і лазерныя сігналы, якія забяспечваюць сувязь паміж касмічным караблём і Зямлёй, будуць заблакаваныя самім Месяцам.
«Калі мы будзем за Месяцам, без сувязі з усімі, давайце выкарыстаем гэта як магчымасць, — сказаў пілот Віктар Гловер BBC News перад місіяй. — Давайце памолімся, будзем спадзявацца, пасылайце свае добрыя думкі і пачуцці, каб мы зноў выйшлі на сувязь з экіпажам».
Па стане на 09:40 раніцы панядзелка, экіпаж праляцеў ужо 378 тысяч кіламетраў, засталося 56 тысяч кіламетраў, палёт доўжыцца чацвёра сутак і дзевяць гадзін.
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
-
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
Каментары