Орбан у размове з Пуціным параўнаў сябе з мышанём, што дапамагае Пуціну, льву
Bloomberg зліла расшыфроўку тэлефоннай размовы паміж прэм'ер-міністрам Венгрыі Віктарам Орбанам і прэзідэнтам Расіі Уладзімірам Пуціным. Выглядае, ніхто так сябе яшчэ не прыніжаў.
Прэм’ер-міністр Венгрыі Віктар Орбан сказаў Уладзіміру Пуціну падчас тэлефоннай размовы ў кастрычніку 2025 года, што ён гатовы пайсці на многае, каб дапамагчы расійскаму прэзідэнту, у тым ліку дапамагчы ва ўрэгуляванні вайны ва Украіне шляхам правядзення саміту ў Будапешце.
«Учора наша дружба ўзнялася на такі высокі ўзровень, што я магу дапамагчы любым спосабам», — сказаў Орбан, згодна з транскрыптам размовы венгерскага ўрада, які быў вывучаны Bloomberg.
«У любым пытанні, дзе я магу быць карысным, я да вашых паслуг».
Віктар Орбан нагадаў расійскаму прэзідэнту папулярную, паводле яго слоў, венгерскую байку, у якой мышаня вызваляе льва, які трапіў у сеці, таму што леў раней пашкадаваў жыццё мышы. Пуцін на гэта засмяяўся.
Большую частку размовы абодва палітыкі прысвяцілі выказванню ўдзячнасці адзін аднаму, а таксама прэзідэнту ЗША Дональду Трампу.
Орбан таксама сказаў Пуціну, што, на яго думку, іх сяброўства стала толькі мацнейшым з моманту іх першай сустрэчы ў Санкт-Пецярбургу ў 2009 годзе. «Чым больш у нас сяброў, тым больш у нас магчымасцяў супрацьстаяць нашым супернікам», — сказаў Орбан.
Ён дадаў, што шкадуе аб тым, што яны не могуць рэгулярна і асабіста сустракацца з Пуціным, як гэта было да пандэміі каранавіруса, а прэзідэнт Расіі пахваліў «суверэнную і гнуткую» пазіцыю Венгрыі ў адносінах да вайны ва Украіне.
«Гэта неспасціжна, чаму такая збалансаваная, умераная пазіцыя выклікае толькі пярэчанні», — сказаў Пуцін.
Пуцін і Орбан абмяняліся жартамі пра спорт. «Я раблю практыкаванні, а яшчэ катаюся на лыжах. Я ведаю, што вы гуляеце ў футбол», — заўважыў Уладзімір Пуцін.
«Я спрабую», — адказаў венгерскі лідар. Абодва засмяяліся.
Цяпер чытаюць
31‑гадовы расіянін акруціў 17‑гадовую беларуску. Фінал гісторыі страшны: турма за наркотыкі, смерць дзіцяці, «СВА» і скрадзеныя грабавыя13
Каментары
Мужественный
Орбан