З апошняга — пасля п'янкі скраў аўто ў прыяцеля ў Мінску і паехаў у Навагрудак.
34‑гадовы беспрацоўны мінчук 12 разоў прыцягваўся да крымінальнай адказнасці за маёмасныя злачынствы, піша агенцтва «Мінск-Навіны».
Вось толькі апошнія яго прыгоды.
У жніўні 2025 года ён прыйшоў у госці да знаёмага, які жыве на вуліцы Альшэўскага. Мужчыны выпівалі. Калі гаспадар кватэры выйшаў з пакоя, госць скраў са шкатулкі SIM-карту і залаты пярсцёнак коштам больш за 2500 рублёў. Таксама ён прыхапіў ключы ад аўтамабіля, якія ляжалі на камодзе.
Знікненне рэчаў гаспадар амаль адразу заўважыў, але госць запэўніваў, што нічога не браў, і нават зрабіў выгляд, што шукае пярсцёнак і ключы. Развітаўшыся з прыяцелем, зладзюжка пайшоў да прыпаркаванага ў двары Kia Rio, завёў яго скрадзеным ключом і п'яным паехаў у Навагрудак.
Варта адзначыць, што раней мужчына неаднаразова прыцягваўся да адміністрацыйнай адказнасці за язду за рулём без правоў. І на гэты раз пасведчання кіроўцы ў яго не было — пазбавіўся яго за п'яўную язду.
Праз два месяцы мінчук абрабаваў дзяўчыну — скраў з кішэні яе футра 40 рублёў.
У дачыненні да мужчыны завялі чарговую крымінальную справу, яго абвінавачвалі адразу па чатырох крымінальных артыкулах — ч. 2 арт. 205 КК (крадзеж), ч. 2 арт. 214 КК (угон аўто), ч. 1 арт. 317‑2 КК (кіраванне аўто без правоў) і ч. 2 арт. 206 КК (грабеж).
Нядаўна прайшоў суд. Мужчыну далі шэсць гадоў пазбаўлення волі ва ўмовах строгага рэжыму. Акрамя таго, мінчук павінен прайсці прымусовае лячэнне ад хранічнага алкагалізму.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары