Уладальнікаў лецішчаў, прыватных дамоў і зямельных участкаў абавяжуць змагацца з інвазійнымі раслінамі, пішуць Мінск-навіны.
Пад адміністрацыйную адказнасць цяпер трапляе адсутнасць барацьбы з распаўсюджваннем баршчэўніка Сасноўскага і сумніка канадскага.
Апошні многія памылкова лічаць бяскрыўднай жоўтай кветкай, але эколагі называюць яе адным з самых агрэсіўных інвазійных відаў.
Так, адзін куст дае да 100 тысяч насення за сезон са 100% усходжасцю. Расліна выцясняе мясцовую флору, пагаршае глебу і выдзяляе рэчывы, што прыгнятаюць рост іншых раслін. Сумнік не ядуць жывёлы, ён амаль не хварэе і актыўна захоплівае тэрыторыі ўздоўж дарог, на закінутых участках, каля дач, на могілках і на ўскраінах палёў.
У Кодэкс аб адміністрацыйных правапарушэннях уводзіцца новы артыкул — «Нездзяйсненне работ рэгулявання распаўсюджвання і колькасці асобных відаў раслін».
З чэрвеня ўладальнікам участкаў давядзецца больш уважліва сачыць за тэрыторыяй і своечасова знішчаць небяспечныя расліны. Асаблівую ўвагу варта надаваць закінутым куткам, месцам уздоўж платоў і ўчасткам каля пустак і палёў.
За сумнік і баршчэўнік будуць штрафаваць з 19 чэрвеня. Штраф — да 450 рублёў (да 10 базавых адзінак).
-
«Накіраваў аўтамабіль у бок паліцыянтаў». У польскай пракуратуры пракаментавалі справу са стральбой па беларусе ў Польшчы
-
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
-
Міністр замежных спраў Украіны анансаваў візіт Ціханоўскай у Кіеў
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары