66‑гадовую гамяльчанку асудзілі па чатырох палітычных артыкулах і адправілі ў калонію за каментары ў тэлеграме
Вольга Строева шмат гадоў мела ўласны бізнэс.
Вользе Строевай 66 гадоў. Усё жыццё яна пражыла ў Гомелі. Жанчына займалася ўласным бізнэсам — больш за дваццаць гадоў яна прадавала рыбныя далікатэсы, чырвоную і чорную ікру. Сваю справу ёй давялося згарнуць праз наступствы пандэміі каранавіруса.
У Вольгі ёсць дзве дачкі. Адна жыве ў Азіі, другая — у Расіі. Сама жанчына трымала дома катоў і сабак, а таксама актыўна захаплялася эзатэрыкай — практыкавала «сілу думкі», медытацыі і метад хаапанапана.
Строеву арыштавалі ў верасні 2025 года. Гомельскі абласны суд вынес ёй прысуд адразу па чатырох артыкулах Крымінальнага кодэкса. Яе абвінавацілі ў распальванні варожасці (ч. 1 арт. 130), закліках да дзеянняў на шкоду нацыянальнай бяспецы (ч. 3 арт. 361), абразе Лукашэнкі (ч. 1 арт. 368), а таксама ў садзейнічанні экстрэмісцкай дзейнасці (ч. 1 і ч. 2 арт. 361‑4 КК).
Відавочна, што пераслед Вольгі звязаны менавіта з каментарамі ў тэлеграме. Яе акаўнт быў неабаронены: там стаяла яе ўласнае імя і фота, а прывязаны ён да яе беларускага нумара.
Вядома, што Строевай прысудзілі калонію. Цяпер яна за кратамі, але дакладны прысуд невядомы.
«Наша Нiва» — бастыён беларушчыны
ПАДТРЫМАЦЬЦяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку4747
Каментары