На рынку ў Табарах пад Мінскам можна набыць скрынку бананаў усяго за 10 рублёў. Аднак гарантый няма
Відэа з мінскага рынку «Новы Лебядзіны» ў Табарах за некалькі дзён набрала амаль паўмільёна праглядаў у тыктоку. Прычынай такой папулярнасці стала незвычайна выгадная купля — цэлая скрынка бананаў усяго за 10 рублёў, піша pristalica.by.
Аўтарка роліка расказала, што на аптовых радах рынку можна знайсці значна ніжэйшыя цэны, але тавар там звычайна прадаецца цэлымі скрынкамі. Спачатку ёй прапанавалі скрынку бананаў па 20 рублёў, але ўрэшце прадавец па імені Ахмед пагадзіўся аддаць ужо адкрытую скрынку за 10 рублёў. Акрамя таго, у яго можна было набыць скрынку гранатаў па 25 рублёў.
У каментарыях карыстальнікі пачалі спрачацца наконт якасці такой таннай прадукцыі. Некаторыя меркавалі, што бананы былі недаспелыя або сапсаваныя. Аднак аўтарка відэа паведаміла, што большасць пладоў аказалася цалкам прыдатнай для ўжывання: толькі каля дзесяці бананаў былі памятыя, астатнія — проста вельмі спелыя. Частку яна выкарыстала для варэння, а частку замарозіла.
Знайшліся і тыя, хто падтрымаў яе, адзначыўшы, што таксама куплялі такія скрынкі і засталіся задаволеныя якасцю садавіны.
Па словах жанчыны, на рынку існуюць своеасаблівыя «ўдалыя гадзіны», калі можна знайсці асабліва выгадныя прапановы. Часцей за ўсё гэта нядзельная раніца. Яна сама трапіла на рынак каля 11‑й гадзіны ў нядзелю. Аднак гарантый няма — многае залежыць ад выпадку і ўдачы.
У выніку ролік сабраў больш за 460 тысяч праглядаў і некалькі тысяч лайкаў ды рэпостаў, а гісторыя пра бананы па 10 рублёў стала адной з тэмаў, якія найбольш актыўна абмяркоўваліся ў беларускім тыктоку.
На Камароўцы сталі прадаваць абрыкосы, а яшчэ шмат кавуноў, клубніц. І куды без маладой бульбы?
Пад Мінскам будуюць цяпліцы памерам у 8 футбольных палёў
«Сала як масла, такога нідзе не знайсці». Як сям'я са слуцкай вёскі ператварыла хатнюю гаспадарку ў брэнд
«Ваша звычка есці макароны як гарнір…» Што шакуе італьянца ў Беларусі
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ26
Каментары