Na rynku ŭ Tabarach pad Minskam možna nabyć skrynku bananaŭ usiaho za 10 rubloŭ. Adnak harantyj niama
Videa ź minskaha rynku «Novy Lebiadziny» ŭ Tabarach za niekalki dzion nabrała amal paŭmiljona prahladaŭ u tyktoku. Pryčynaj takoj papularnaści stała niezvyčajna vyhadnaja kupla — cełaja skrynka bananaŭ usiaho za 10 rubloŭ, piša pristalica.by.
Aŭtarka rolika raskazała, što na aptovych radach rynku možna znajści značna nižejšyja ceny, ale tavar tam zvyčajna pradajecca cełymi skrynkami. Spačatku joj prapanavali skrynku bananaŭ pa 20 rubloŭ, ale ŭrešcie pradaviec pa imieni Achmied pahadziŭsia addać užo adkrytuju skrynku za 10 rubloŭ. Akramia taho, u jaho možna było nabyć skrynku hranataŭ pa 25 rubloŭ.
U kamientaryjach karystalniki pačali spračacca nakont jakaści takoj tannaj pradukcyi. Niekatoryja mierkavali, što banany byli niedaśpiełyja abo sapsavanyja. Adnak aŭtarka videa paviedamiła, što bolšaść pładoŭ akazałasia całkam prydatnaj dla ŭžyvańnia: tolki kala dziesiaci bananaŭ byli pamiatyja, astatnija — prosta vielmi śpiełyja. Častku jana vykarystała dla vareńnia, a častku zamaroziła.
Znajšlisia i tyja, chto padtrymaŭ jaje, adznačyŭšy, što taksama kuplali takija skrynki i zastalisia zadavolenyja jakaściu sadaviny.
Pa słovach žančyny, na rynku isnujuć svojeasablivyja «ŭdałyja hadziny», kali možna znajści asabliva vyhadnyja prapanovy. Čaściej za ŭsio heta niadzielnaja ranica. Jana sama trapiła na rynak kala 11‑j hadziny ŭ niadzielu. Adnak harantyj niama — mnohaje zaležyć ad vypadku i ŭdačy.
U vyniku rolik sabraŭ bolš za 460 tysiač prahladaŭ i niekalki tysiač łajkaŭ dy repostaŭ, a historyja pra banany pa 10 rubloŭ stała adnoj z temaŭ, jakija najbolš aktyŭna abmiarkoŭvalisia ŭ biełaruskim tyktoku.
Na Kamaroŭcy stali pradavać abrykosy, a jašče šmat kavunoŭ, kłubnic. I kudy biez maładoj bulby?
Pad Minskam budujuć ciaplicy pamieram u 8 futbolnych paloŭ
«Sała jak masła, takoha nidzie nie znajści». Jak siamja sa słuckaj vioski pieratvaryła chatniuju haspadarku ŭ brend
«Vaša zvyčka jeści makarony jak harnir…» Što šakuje italjanca ŭ Biełarusi
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary