На Камароўцы сталі прадаваць абрыкосы, а яшчэ шмат кавуноў, клубніц. І куды без маладой бульбы?
На культавым мінскім рынку асартымент усё шырэйшы, а цэны на многае — імкліва падаюць.
Галоўнай зоркай гэтага тыдня на Камароўцы сталі абрыкосы. Цяпер цэны на іх стартуюць усяго ад 11,9 рубля за кіло. Але можна знайсці і прэміяльныя варыянты па 45 рублёў, піша Tochka.by.
Паступова таннеюць кавуны — усё больш прапаноў па 5—6,9 рубля за 1 кг. А вось дыні пакуль дарагія — да 12 рублёў.
Лімоны, апельсіны і мандарыны практычна не змяніліся ў цане. Першыя каштуюць 6—11,9 рубля, а больш салодкія суродзічы — 3,5—15 рубля.
Таннеюць буякі: у сярэднім па рынку 45—69 за кіло. На чарэшню цана ўсё тая ж — 22,9—99 рублёў.
Яблыкі прадаюць па 2—6, грушы — па 3,9—11 рублёў за 1 кг.
Абрынуліся цэны на беларускія клубніцы — па 14—25 рублёў за кіло, тыднем раней яны каштавалі да 40.
Замежныя ягады, дарэчы, каштуюць 12—20 рублёў за 1 кг. Цэны амаль выраўнаваліся.
Прыемна купляць і бананы — можна знайсці нават па 2,9 рубля, праўда, злёгку зеленаватыя.
Агароднінная класіка Камароўкі
Цэны зноў падаюць, і гэта, напэўна, асабліва прыемна аматарам салатаў.
Самыя простыя варыянты, тыпу зялёнай цыбулі і кропу, можна знайсці па 12 за кіло.
Запаўняюцца шэрагі і маладой бульбай, праўда, з сонечнага Азербайджана. Каштуе яна дарагавата. Там-сям да 7,9, але ёсць і па 3 рублі.
Беларускія карняплоды ўраджаю мінулага года каштуюць танней за імпартнага канкурэнта — 0,9—3 рублі за 1 кг.
Агуркоў — шмат і розных. Не зусім кандыцыйныя аддаюць па два за кіло. Сярэдняя цана — 5—7 рублёў. У пары прадаўцоў ёсць «свае», свойскія, але і каштуюць яны 15 за 1 кг.
Таматаў усё больш, але вельмі танных няма. На рынку памідоры можна купіць ад 4,9 рубля. Перцы як і тыдзень таму, па 5,9—9,9 рубля за кіло.
Для аматараў радыскі самы сезон: недзе яна прадаецца ўсяго па 2 рублі за 1 кг.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары