Камандуючы войскамі ЗША ў Еўропе заявіў, што Пуцін не шукае вайны з НАТА
Нягледзячы на гэта, генерал Грынкевіч, які таксама кіруе сіламі ЗША ў Еўропе, заявіў: «Калі мяне пытаюць: «Ці гатовы вы змагацца ўжо сёння?», — я адказваю: «Безумоўна».
Расія «не шукае канфлікту» з НАТА, заявіў галоўнакамандуючы аб’яднанымі сіламі НАТА ў Еўропе Алексус Грынкевіч, адказваючы на пытанне пра магчымасць яе нападу на краіны Балтыі. Паводле яго слоў, гэта тлумачыцца наступным: у Маскве разумеюць, што такое «абарончы альянс» і што ў НАТА «ёсць шэраг асіметрычных пераваг», піша Moscow Times.
Сваю задачу Грынкевіч бачыць у тым, каб «Расія зразумела: калі яна паспрабуе нешта зрабіць у краінах Балтыі, у яе гэта не атрымаецца». Паколькі ў Маскве «ведаюць, што ў іх нічога не выйдзе, яны не будуць рызыкаваць, прымаючы падобныя дзеянні», дадаў ён.
ЗША скарачаюць сваю ваенную прысутнасць у Еўропе, якая адначасова імкнецца павялічыць ваенную магутнасць у святле змены прыярытэтаў Вашынгтона. З Еўропы могуць быць выведзены авіяносная ўдарная група, усе падводныя лодкі, аснашчаныя крылатымі ракетамі, некалькі марскіх патрульных самалётаў «Пасейдон», самалёты-запраўшчыкі, знішчальнікі F-16 і F-15E, паведамляла газета Die Welt.
Грынкевіч упершыню пацвердзіў інфармацыю пра скарачэнні: «Гаворка ідзе пра групы ваенна-паветраных і ваенна-марскіх сіл, якія патрэбныя нам, ЗША, на выпадак узнікнення канфліктнай сітуацыі ў Ціхаакіянскім рэгіёне».
Нягледзячы на гэта, генерал, які таксама кіруе сіламі ЗША ў Еўропе, заявіў: «Калі мяне пытаюць: «Ці гатовы вы змагацца ўжо сёння?», — я адказваю: «Безумоўна».
Еўрапейскія ваенныя ў сваіх выступленнях выказваюць значна большыя асцярогі адносна планаў Расіі. Пра яе намеры ці гатоўнасць пайсці на ўзброены канфлікт з краінамі НАТА ў перыяд ад цяперашняга года да канца дзесяцігоддзя найчасцей заяўляюць ваенныя і выведнікі краін Балтыі, паўночна-ўсходняй Еўропы, Германіі.
У прыватнасці, уздоўж межаў краін на ўсходнім флангу НАТА за апошнія два гады вядзецца маштабнае будаўніцтва ваенных баз. Яны могуць быць укамплектаваны салдатамі па заканчэнні вайны ва Украіне, лічаць ваенныя разведкі Швецыі. «Мы не лічым, што яны існуюць толькі для відовішча. Гаворка ідзе пра тое, каб у будучыні Расія была гатовая супрацьстаяць НАТА ў выпадку больш маштабнага канфлікту», — сцвярджае яе дырэктар Томас Нільсан.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары
Но и там, в семейном логове, ему веры нету.