Сёстры Груздзевы перажываюць за беларусаў у Польшчы. Бо яны не бачаць сапраўднага мяса
Вядоўцы шоу «О(б)суждаем» дазваніліся да праўладных спявачак. І тыя іх трохі расчулілі сваім своеасаблівым клопатам.
Іван Прус і Глеб Сямёнаў зладзілі вялікі афлайн-канцэрт для фанатаў шоу «О(б)суждаем». На эфір прыйшлі 200 гледачоў. А тэмай спецвыпуску сталі сёстры Груздзевы.
Вядоўцы нават запрашалі спявачак на канцэрт. Раптам выявілася, што ў сясцёр з'явілася шэнгенская віза, і яны могуць прыехаць. Але пасля Груздзевы выставілі сур'ёзны райдэр і ў выніку да шоу не дабраліся. Аднак паабяцалі даслаць свайго чалавека.
Апагеем канцэрта стаў тэлефонны званок сёстрам. Трубку падняла Валянціна. Яна распавяла, што Глеб сніўся яе сястры Аляксандры ў даволі пікантных абставінах. І прапанавала вядоўцам вярнуцца ў Беларусь праз камісію па вяртанні. А пасля Груздзева пачала шкадаваць беларусаў, якім у Польшчы, паводле яе версіі, жывецца несалодка. І аргумент атрымаўся арыгінальны: аказваецца, у Польшчы няма нармальнага мяса.
«Вы сёння прыйшлі на гэты канцэрт, каб неяк аб'яднацца і зразумець, як вам насамрэч цяжка жыць у Польшчы. Усё жахлівае. Мяса немагчыма добрага купіць! Вы хоць мяса там ясце?» — клапатліва запыталася спявачка ў вядоўцаў і гледачоў.
Прус папрасіў паапладзіраваць тых, хто не еў мяса цягам года — і зала выбухнула авацыямі. А Глеб папрасіў Валянціну прывезці ім мяса з Беларусі.
Прус і Сямёнаў папрасілі Груздзевых зладзіць такі ж канцэрт у іх гонар у Беларусі. Але Валянціне ў гэты дзень вельмі балела тэма мяса. І яна не спынялася.
«Але людзі не бачаць сапраўднага мяса! Мне балюча, што мы служым такім аб'яднаўчым пачаткам», — працягнула думку Валянціна.
Пасля гэтага вядоўцы на нейкі час выключылі гук. А калі ўключылі, то раптам заспелі Груздзеву пасярод панегірыка Лукашэнку — яна распавядала, які ён моцны лідар. Пасля гэтага размову давялося завяршыць.
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы
Сёстрам Груздзевым не дазволілі выступіць на галоўным форуме ў Дзень адзінства, а падпісчыкі западозрылі іх у здрадзе
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары