Siostry Hruździevy pieražyvajuć za biełarusaŭ u Polščy. Bo jany nie bačać sapraŭdnaha miasa
Viadoŭcy šou «O(b)suždajem» dazvanilisia da praŭładnych śpiavačak. I tyja ich trochi rasčulili svaim svojeasablivym kłopatam.
Ivan Prus i Hleb Siamionaŭ zładzili vialiki afłajn-kancert dla fanataŭ šou «O(b)suždajem». Na efir pryjšli 200 hledačoŭ. A temaj śpiecvypusku stali siostry Hruździevy.
Viadoŭcy navat zaprašali śpiavačak na kancert. Raptam vyjaviłasia, što ŭ siaścior źjaviłasia šenhienskaja viza, i jany mohuć pryjechać. Ale paśla Hruździevy vystavili surjozny rajder i ŭ vyniku da šou nie dabralisia. Adnak paabiacali dasłać svajho čałavieka.
Apahiejem kancerta staŭ telefonny zvanok siostram. Trubku padniała Valancina. Jana raspaviała, što Hleb śniŭsia jaje siastry Alaksandry ŭ davoli pikantnych abstavinach. I prapanavała viadoŭcam viarnucca ŭ Biełaruś praz kamisiju pa viartańni. A paśla Hruździeva pačała škadavać biełarusaŭ, jakim u Polščy, pavodle jaje viersii, žyviecca niesałodka. I arhumient atrymaŭsia aryhinalny: akazvajecca, u Polščy niama narmalnaha miasa.
«Vy siońnia pryjšli na hety kancert, kab niejak abjadnacca i zrazumieć, jak vam nasamreč ciažka žyć u Polščy. Usio žachlivaje. Miasa niemahčyma dobraha kupić! Vy choć miasa tam jaście?» — kłapatliva zapytałasia śpiavačka ŭ viadoŭcaŭ i hledačoŭ.
Prus paprasiŭ paapładziravać tych, chto nie jeŭ miasa ciaham hoda — i zała vybuchnuła avacyjami. A Hleb paprasiŭ Valancinu pryvieźci im miasa ź Biełarusi.
Prus i Siamionaŭ paprasili Hruździevych zładzić taki ž kancert u ich honar u Biełarusi. Ale Valancinie ŭ hety dzień vielmi baleła tema miasa. I jana nie spyniałasia.
«Ale ludzi nie bačać sapraŭdnaha miasa! Mnie baluča, što my słužym takim abjadnaŭčym pačatkam», — praciahnuła dumku Valancina.
Paśla hetaha viadoŭcy na niejki čas vyklučyli huk. A kali ŭklučyli, to raptam zaśpieli Hruździevu pasiarod paniehiryka Łukašenku — jana raspaviadała, jaki jon mocny lidar. Paśla hetaha razmovu daviałosia zaviaršyć.
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy
Siostram Hruździevym nie dazvolili vystupić na hałoŭnym forumie ŭ Dzień adzinstva, a padpisčyki zapadozryli ich u zdradzie
Ciapier čytajuć
«Ja supracoŭnik KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku19
Kamientary
Voś čaho ŭ jaho niama, dyk heta harełki, pa jaje ŭ kramu chadžu, sam nie haniu, bo duža kłopatna. To bok, nie kažycie, što j harełki sapraŭdnaj nia baču, bo chłuśnia...