«Юта» афіцыйна абвясціла пра кантракт з Вадзімам Марозам.
Клуб Нацыянальнай хакейнай лігі «Юта Мамант» афіцыйна абвясціў пра падпісанне кантракту з беларускім форвардам Вадзімам Марозам. Кантракт пачаткоўца разлічаны на два гады.
З чэрвеня 2022 года Вадзім выступаў за мінскае «Дынама».
Таксама ў сістэме «Юты» кар'еру працягне яшчэ адзін беларускі хакеіст — Ягор Борыкаў, які падпісаў кантракт увесну,
Абаронца Улад Калячонак падпісаў кантракт з «Нью-Джэрсі». У мінулым сезоне ён гуляў за «Далас» і «Бостан», але згуляе ў суме 13 матчаў
Форвард Даніла Клімовіч, які належыць сістэме «Ванкувер Кэнакс», пераходзіць у «Філадэльфію Флаерз». Даніла гуляў за фарм-клуб «Ванкувера» «Абатсфорд», за які ў мінулым сезоне забіў 18 галоў і аддаў 16 галявых перадач. За «Філадэльфію» гуляе беларускі галкіпер Аляксей Коласаў.
Увесну паведамлялася пра тое, што кантракт з «Нэшвілам» падпісаў Віталь Пінчук.
Калі Мароз, Борыкаў, Пінчук і Клімовіч дэбютуюць у новым сезоне ў НХЛ (сезон пачынаецца ў кастрычніка), а не будуць адпраўленыя ў фарм-клубы, то колькасць беларусаў, што гулялі і гуляюць у наймацнейшай лізе свету з 1992 года, складзе 23 (зараз — 19).
У сезоне 2025‑2026 у НХЛ згулялі васьмёра беларусаў:
Аляксей і Ілля Протасы («Вашынгтон»), Ягор Шаранговіч («Калгары», ён просіцца ў іншы клуб — НН), Мікіта Талапіла («Ванкувер»), Аляксей Коласаў («Філадэльфія»), Улад Калячонак («Далас»), Арцём Леўшуноў («Чыкага»), Ілля Салаўёў («Пітсбург»).
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары