Пасажыры аўтобуса Мінск — Анапа, у які трапіў дрон пад Бранскам, расказалі, што адбывалася
«Я пачула такі воплеск моцны, як выбух. Я падумала, што гэта, можа, як шына ўзарвалася».
Пасажыры аўтобуса Мінск — Анапа, у які трапіў дрон пад Бранскам, расказалі, што адбывалася.
Дрон трапіў у аўтобус, калі пасажыры ў яго заходзілі.
Алеся, якая ехала з дзецьмі, расказвае тэлеканалу «Першы інфармацыйны»:
«Я яшчэ стаяла ў праходзе. Я пачула такі воплеск моцны, як выбух. Я падумала, што гэта, можа, як шына ўзарвалася. Я не зразумела наогул. Я пачула толькі муж крыкнуў: «Гэта быў дрон».
Іншая пасажырка дзеліцца, што, калі пасажыраў аўтобуса пачалі вывозіць з месца здарэння на аўто невялікімі групамі, было чутно яшчэ некалькі траплянняў дронаў побач.
У выніку пацярпелі тры чалавекі — два кіроўцы аўтобуса і пасажыр. Медыкі кажуць, што траўмы не былі цяжкія, усім пацярпелым аказалі дапамогу і адпусцілі дадому.
Сярод пасажыраў былі жыхары Мінска і Слуцка.
Таксама, кажуць на дзяржТБ, дрон трапіў у тры фуры, адна з якіх цалкам згарэла.
2 ліпеня ў беларускі аўтобус, які ехаў з Мінска ў Анапу, на мяжы Беларусі і Расіі прыляцеў дрон. Унутры былі два кіроўцы і 19 пасажыраў. Удар выбіў бакавое шкло. Здарэнне адбылося ў Чырвоным Камені ў Бранскай вобласці ў 11:55. Аўтобус належаў гомельскаму перавозчыку «Сталіца» (ТАА «ФІДЗІ Экспрэс»).
Пасадзілі адваката Дзмітрыя Лаеўскага, які абараняў Бабарыку і Знака10
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам51
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4646
Каментары