Pasažyry aŭtobusa Minsk — Anapa, u jaki trapiŭ dron pad Branskam, raskazali, što adbyvałasia
«Ja pačuła taki voplesk mocny, jak vybuch. Ja padumała, što heta, moža, jak šyna ŭzarvałasia».
Pasažyry aŭtobusa Minsk — Anapa, u jaki trapiŭ dron pad Branskam, raskazali, što adbyvałasia.
Dron trapiŭ u aŭtobus, kali pasažyry ŭ jaho zachodzili.
Alesia, jakaja jechała ź dziećmi, raskazvaje telekanału «Pieršy infarmacyjny»:
«Ja jašče stajała ŭ prachodzie. Ja pačuła taki voplesk mocny, jak vybuch. Ja padumała, što heta, moža, jak šyna ŭzarvałasia. Ja nie zrazumieła naohuł. Ja pačuła tolki muž kryknuŭ: «Heta byŭ dron».
Inšaja pasažyrka dzielicca, što, kali pasažyraŭ aŭtobusa pačali vyvozić ź miesca zdareńnia na aŭto nievialikimi hrupami, było čutno jašče niekalki traplańniaŭ dronaŭ pobač.
U vyniku paciarpieli try čałavieki — dva kiroŭcy aŭtobusa i pasažyr. Miedyki kažuć, što traŭmy nie byli ciažkija, usim paciarpiełym akazali dapamohu i adpuścili dadomu.
Siarod pasažyraŭ byli žychary Minska i Słucka.
Taksama, kažuć na dziaržTB, dron trapiŭ u try fury, adna ź jakich całkam zhareła.
2 lipienia ŭ biełaruski aŭtobus, jaki jechaŭ ź Minska ŭ Anapu, na miažy Biełarusi i Rasii prylacieŭ dron. Unutry byli dva kiroŭcy i 19 pasažyraŭ. Udar vybiŭ bakavoje škło. Zdareńnie adbyłosia ŭ Čyrvonym Kamieni ŭ Branskaj vobłaści ŭ 11:55. Aŭtobus naležaŭ homielskamu pieravozčyku «Stalica» (TAA «FIDZI Ekspres»).
Ciapier čytajuć
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury2
Kamientary