Пацярпеў адзін чалавек.
Сёння ў сталіцы адбылося сутыкненне грузавога аўтамабіля і рэйсавага аўтобуса. Паводле папярэдняй інфармацыі, 24‑гадовы кіроўца грузавіка «МАЗ» рухаўся з боку могілак «Лясныя» ў кірунку Смілавіцкага тракту. Пры выбары хуткасці руху ён не ўлічыў дарожныя ўмовы, у выніку чаго не справіўся з кіраваннем — машыну занесла, і яна вылецела на сустрэчную паласу, дзе ўрэзалася ў аўтобус «МАЗ».
У выніку аварыі пацярпеў адзін чалавек: 59‑гадовы пасажыр аўтобуса быў дастаўлены ў бальніцу. Кіроўцы абодвух транспартных сродкаў, а таксама астатнія пасажыры аўтобуса па дапамогу да медыкаў не звярталіся.
Каментары