Па загадзе камбрыга УСУ выкралі і забілі двух цывільных, якія пакрыўдзілі яго жонку
Калі пра гэта стала вядома, сам камандзір 155‑й асобнай механізаванай брыгады УСУ Станіслаў Лучанаў уцёк з часці ў невядомым кірунку.
Украінская паліцыя затрымала дзевяць вайскоўцаў 155‑й асобнай механізаванай брыгады па падазрэнні ў выкраданні двух мужчын з Кіеўшчыны. Пра гэта паведамляе hromadske.
Паводле версіі следства, жонку камбрыга Станіслава Лучанава абразілі невядомыя, пасля чаго ён нібыта загадаў падначаленым байцам пакараць вінаватых. У ноч на 28 чэрвеня сямёра вайскоўцаў уварваліся на падворак дома ў сяле Калінаўка Бела-Царкоўскага раёна, схапілі братоў Максіма М. і Рамана М. і вывезлі іх у невядомым напрамку — у Дняпрапятроўскую вобласць. Радня дагэтуль не ведае, дзе яны. Целы, якія, паводле папярэдніх звестак, належаць пацярпелым, ужо эксгумавалі.
Сам Лучанаў самавольна пакінуў часць, яго месцазнаходжанне невядомае. Аператыўнае камандаванне «Поўнач» пацвердзіла, што камбрыга шукаюць, а фігуранты справы адхілены ад службовых абавязкаў і супрацоўнічаюць са следствам.
Лучанаў узначаліў 155‑ю брыгаду ў лютым 2026 года, перайшоўшы з пасады начальніка штаба 425‑га асобнага штурмавога палка «Скеля». Улетку 2024‑га ён атрымаў ордэн «За мужнасць» III ступені.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
[Зрэдагавана]