У беларускіх кавярнях пачалі прадаваць папулярны польскі дэсерт
У Польшчы па гэтыя булачкі становяцца чэргі.
Фота: riverespressoclub / Instagram
Ягадзянкі — гэта папулярныя ў Польшчы сезонныя булачкі. Іх робяць з дражджавога цеста, зверху пасыпаюць крошкай, а ўнутры — шмат начынкі са свежых чарніц. Выпякаюць іх з канца чэрвеня і пакуль не знікнуць чарніцы. 2 ліпеня ў Польшчы нават адзначаюць Дзень ягадзянкі (нефармальнае свята).
У Мінску сёлета некаторыя кавярні вырашылі пераняць традыцыю. Ягадзянкі прапануюць, напрыклад, у River Espresso Club і ў Come In. Ёсць варыянты не толькі з чарніцамі, ёсць з крэмам ці з малінай.
Фота: cafe.come.in / Instagram
Каштуюць булачкі 9 рублёў.
Цяпер чытаюць
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм14
Каментары