40‑гадовая мінчанка Наста шукае мужчыну. Галоўнае патрабаванне — каб умеў касіць
«То-бок вы касарка?» — жартуюць у каментарах, праводзячы аналогію з талерачніцамі.
Мінчанка Наста Пілавец апублікавала ў трэдсах абвестку пра пошук мужчыны: «Пазнаёмлюся з мужчынам да восені, які ўмее касіць! Улетку жыву ў вёсцы, пяку хлеб ды саджаю кабачкі. На траву сіл ужо няма. Пішы, родны».
Публіка ідэю ацаніла: «Гэта нешта новенькае. Ёсць муж на гадзіну, трэба ўводзіць новую паслугу — муж на сезон». Жанчыны пішуць, што таксама шукаюць такога мужчыну.
У каментарах жартуюць: трэба было ўвесну пачынаць пошукі, бо добрых касцоў хутка разбіраюць. І кажуць, што варта ўжо шукаць таго, хто снег добра чысціць.
Нехта дзеліцца вясковымі лайфхакамі: «Была ў нас суседка цётка Ганна на пенсіі ўжо. Кожную вясну ў яе з’яўляўся новы муж і ўсё лета араў, касіў, калоў дровы, рамантаваў хлеў і фарбаваў плот. Восенню яна яго праганяла. А зімавала яна адна. Прыгаворвала: «А чаго яго дарма карміць?!», «Наш суседскі дзед, закаханы ў маю бабулю, прапалоў ёй агарод, адрамантаваў увесь ейны дом, а сёння падарыў ёй пярсцёнак і электрычны плед. А яна яму сказала: «Коля, ты добры сусед!» І раптоўна знікла. Такая вось фрэндзона».
З’явіліся прапановы ад патэнцыяльных кандыдатаў: «Пазнаёмімся соткамі? У мяне 35. Самаходная касілка і трымер», «Ну што, знайшла? Бо касіць ужо час, трава квітнее», «Не ваш ідэал, але ўмею касіць пад тое, што ўмею касіць», «Давайце знаёміцца. Рукі з патрэбнага месца растуць, апетыт умераны».
Дарэчы, адгукнуліся і жанчыны: «Наста, я не мужчына, але за хатні хлеб і некалькі кабачкоў пакашу з задавальненнем. Тры розныя трымеры ёсць. А ўвечары навучу гатаваць ачмурэнную закуску па рэцэпце маёй бабулі з Херсонскай вобласці».
Зацікаўленыя таксама пытаюцца, як жанчына плануе разлічвацца — на варыянт кабачкамі ахвотныя ёсць.
Ёсць і скептыкі. Маўляў, таго, хто ўмее касіць, лепш шукаць у вёсцы, бо ў сацсетках сядзець тыя, хто толькі каментары пісаць могуць. Сустракаюцца такія парады: «Наста, наймі лепш. А то гэтаму гатаваць трэба будзе, ныццё слухаць і не факт, што ў пакос спіна не забаліць. Пасля яшчэ грошай пазычыць і знікне».
Аўтарка «боскага Зураба» рэкламуе сына сваёй сяброўкі з ЗША: «працавіты, не раздураны, свой бізнэс, свой дом»
Жонка Аляксандра Глеба шукае дзяўчыну для пляменніка ў інстаграме
«Калі я магу дазволіць сабе ў 2 гадзіны дня піць каву ў рэстаране, значыць хтосьці мяне забяспечвае». Мінская лэдзі раздае парады мужчынам
Цяпер чытаюць
Свецкае жыццё Дар’і Шманай: дні нараджэння дзяцей Кіркорава і Comedy Club3
Каментары