Выйшаў на волю палітвязень Аляксей Санчук, які граў на барабанах на пратэстах. Ён цалкам адбыў шасцігадовы тэрмін
Аляксей Санчук трапіў за краты ў лістападзе 2020 года.
Аляксею Санчуку цяпер 35 гадоў. Ён скончыў Мінскі архітэктурна-будаўнічы каледж і да затрымання займаўся зборкай мэблі. У яго ёсць жонка і дачка.
Падчас пратэстаў ён спачатку ўдзельнічаў у велапрабегах салідарнасці, а пасля быў адным з удзельнікаў праекта «Патрабуем разысціся». Разам з іншымі ён сабраў барабанную ўстаноўку, якая задавала рытм на маршах і дваравых акцыях.
Санчука затрымалі 4 лістапада 2020 на рэпетыцыйнай кропцы. Пасля завялі крымінальную справу. У маі 2021 года яго асудзілі за «падрыхтоўку да ўдзелу ў масавых беспарадках» (арт. 13 і ч. 2 арт. 293 КК), «навучанне ўдзелу ў масавых беспарадкаў» (ч. 3 арт. 293 КК) і «арганізацыя і ўдзел у дзеяннях, якія груба парушаюць грамадскі парадак» (ч. 1 і 2 арт. 342 КК).
Хлопцу прысудзілі шэсць гадоў калоніі. Пакаранне ён адбываў у Шклове. Па звестках «Вясны», Санчук выйшаў на свабоду ў пачатку ліпеня 2026 года.
«Наша Нiва» — бастыён беларушчыны
ПАДТРЫМАЦЬЦяпер чытаюць
Беларусаў па вяртанні дамоў на мяжы ўсё часцей раздзяваюць дагала9
Каментары