На дарогах Мінска заўважылі суперкар «з Hot Wheels». Такіх машын у свеце менш за тысячу
На праезнай частцы вуліцы Карла Маркса ў сталіцы заўважылі ярка-фіялетавы кабрыялет з расійскімі нумарамі. Відэа выклаў акаўнт «Минск наизнанку» ў Threads, заўважыла выданне Blizko.by.
Карыстальнікі жартам назвалі аўтамабіль «вялікай машынкай з серыі Hot Wheels», аднак гэта аказаўся сапраўдны рарытэт.
Па дарогах сталіцы рассякаў фіялетавы суперкар McLaren 765LT Spider з серыі Longstyle з аранжавымі акцэнтамі. Машын гэтай серыі ў свеце ўсяго 765 штук, і каштуюць яны ад 500 да 600 тысяч даляраў.
Гэта не адзіны раз, калі ў сталіцы заўважаюць рэдкія аўтамабілі. У чэрвені беларусы заўважылі ў Мінску адно з найстарэйшых польскіх аўто — пікап Tarpan, якому магло быць 35—45 гадоў. Праўда, ён не ехаў па дарозе, а стаяў у гандлёвым цэнтры Dana Mall.
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары